- కరోనా కంట్రోల్కు జపాన్లో స్కూల్ టీచర్ నిర్వాకం
టోక్యో: కరోనా వైరస్ పనిపడ్తున్నా అనుకుం టూ ఓ టీచర్ చేసిన పనికి స్కూల్ మేనేజ్మెంట్కు భారీ మొత్తంలో బిల్లు వచ్చింది. నెలల తరబడి నల్లా విప్పి పెట్టడంతో వేలాది లీటర్ల మంచి నీళ్లు వృథా అయ్యాయి. జపాన్లోని యొకొసుక సిటీలో ఇది చోటుచేసుకుంది. సిటీలో కిందటేడాది కరోనా వ్యాప్తి ఎక్కువగా ఉంది. పబ్లిక్ పార్కులు, స్విమ్మింగ్ పూల్లను అధికారులు మూసేశారు. ఆ టైమ్లో యొకొసుక సిటీలోని ఓ స్కూల్ టీచర్ కరోనా వ్యాప్తిని అడ్డుకోవడానికి స్విమ్మింగ్పూల్ను నీటితో నింపేసింది. పూల్లోకి వాటర్ పంపే నల్లాను ఆన్ చేసి వదిలేసింది.
నీళ్లు కంటిన్యూగా పారుతుంటే పూల్లో కరోనా వైరస్ నిల్వ ఉండలేదనే నమ్మకంతో ఆమె ఈ పని చేసింది. మధ్యలో స్కూల్ సిబ్బంది ఎవరైనా గమనించి నల్లా బంద్ చేసినా.. ఆ వెంటనే మళ్లీ ఆన్ చేసేది. జూన్ నెలాఖరు నుంచి సెప్టెంబర్ దాకా ఈ నల్లా ఆన్ చేసే ఉంది. ఇట్లా వృధా అయిన నీటితో ఆ స్విమ్మింగ్ పూల్ను దాదాపు 11 సార్లు నింపొచ్చని ఎడ్యుకేషన్ బోర్డ్ స్థానిక ఉద్యోగి అకీరా కోజిరి చెప్పారు. ఈ నీటి వాడకానికి సంబంధించి స్కూలుకు రూ.20 లక్షల బిల్లు వచ్చింది. ఇందులో సగం సదరు టీచర్, మరో ఇద్దరు సూపర్వైజర్లతోనే కట్టించాలని లోకల్ అధికారులు డిమాండ్ చేశారు. విలువైన మంచినీటిని వృధా చేయడంపై సిటీ అధికారులు మండిపడ్డారు.
