ఈ మధ్య అప్పుడప్పుడు ఎగిరే ట్యాక్సీల గురించి చర్చ జరుగుతూనే ఉంది. కొన్ని కంపెనీలు ప్రొటోటైప్ లనూ విడుదల చేస్తున్నాయి. ఇప్పుడు అదే జాబితాలో జపాన్ కంపెనీ కూడా చేరిపోయింది. కాకపోతే ఇది ట్యాక్సీ కాదు… కారు. ఎగిరే కారు. ఎలక్ట్రా నిక్స్ను తయారు చేసే ఎన్ ఈసీ కార్ప్ అనే సంస్థ దీనిని తయారు చేసింది. దీనికుండే నాలుగు ప్రొపెల్లర్లు కారును ఎగిరేలా చేస్తాయి. సోమవారం టోక్యోలోని ఎన్ ఈసీ ఆఫీసు పరిసరాల్లో దీనిని టెస్ట్ చేశారు. 10 అడుగుల ఎత్తు వరకు వెళ్లిన ఇది, నిమిషం పాటు గాల్లో చక్కర్లు కొట్టింది. 2030కల్లా ఎగిరే కార్లను అందుబాటులోకి తీసుకు రావాలని జపాన్ భావిస్తోంది. ఈ నేపథ్యంలో నే 2017లో కార్టివేటర్ అనే సంస్థ ఓ ఎగిరే కారును తయారు చేసింది. దానిని టెస్టు చేస్తుండగా కొద్ది సేపటికే కూలిపోయింది. కార్టివేటర్ కు స్పాన్సర్ చేస్తున్న 80 కంపెనీల్లో ఎన్ ఈసీ కూడా ఒకటి.
