ఫింగర్ప్రింట్తో ఫోన్ని అన్లాక్ చేయడం మామూలే. కానీ.. ఇప్పుడు ఇంటికి వేసిన తాళాన్ని కూడా తెరవొచ్చు. జాసిఫ్స్ అనే కంపెనీ తీసుకొచ్చిన ఈ స్మార్ట్ లాక్ని ఫింగర్ ప్రింట్తో అన్లాక్ చేయొచ్చు. దీన్ని తెరవాలంటే మిగతా స్మార్ట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లాక్ల్లా బ్లూటూత్, యాప్, కీ లాంటివేవీ అవసరం లేదు. మతిమరుపు ఉన్నవాళ్లకు ఇది బాగా పనికొస్తుంది. రిజిస్టర్డ్ ఫింగర్ ప్రింట్లతో మాత్రమే దీన్ని అన్లాక్ చేయొచ్చు. ఇందులో అడ్వాన్స్డ్ ఫింగర్ప్రింట్ డిటెక్షన్ టెక్నాలజీని వాడారు.
కేవలం 0.5 సెకన్లలో అన్లాక్ అవుతుంది. పది వేలిముద్రలను స్టోర్ చేసుకోగలదు. ఇందులో రీచార్జబుల్ బ్యాటరీ ఉంటుంది. గంటసేపు చార్జింగ్ పెడితే.. 9,000 కంటే ఎక్కువ సార్లు అన్లాక్ చేయొచ్చు. అంటే దాదాపు 6–12 నెలల వరకు మళ్లీ చార్జింగ్ పెట్టాల్సిన అవసరమే ఉండదు. ఇందులో ఎల్ఈడీ బ్యాటరీ ఇండికేటర్ కూడా ఉంటుంది. చార్జింగ్ తగ్గితే.. ఇండికేషన్ చూపిస్తుంది. దీన్ని ఇంటికే కాదు.. సూట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కేసులు, గోల్ఫ్ బ్యాగులు, హ్యాండ్‌ బ్యాగులు, అల్మారాలు, సైకిళ్లకు కూడా వేసుకోవచ్చు.
ధర : రూ. 1,299
వార్డ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌రోబ్ లాక్
కొన్నిసార్లు వార్డ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌రోబ్, టేబుల్ డ్రాయర్కు లాక్లు వేసి తాళంచెవి ఎక్కడో పెట్టి మర్చిపోతుంటాం. అందులోని వస్తువులతో అవసరం వచ్చినప్పుడు కంగారు పడిపోతుంటాం. కానీ.. ఈ లాక్ ఉంటే ఆ సమస్యే ఉండదు. సింపుల్గా కీకి బదులు బయోమెట్రిక్తో డ్రాయర్ లేదా వార్డ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌రోబ్ తెరవొచ్చు. దీన్ని ఎస్కోజోర్ అనే కంపెనీ మార్కెట్లోకి తీసుకొచ్చింది. ఇందులో మూడు ఏఏఏ బ్యాటరీలు వేయాల్సి ఉంటుంది. అవి దాదాపు 5 వేల సార్లు అన్లాక్ చేసేవరకు పనిచేస్తాయి. తర్వాత బ్యాటరీలను రీప్లేస్ చేయాల్సి ఉంటుంది. ఒకవేళ లాక్ వేసిన తర్వాత బ్యాటరీలు డిస్చార్జ్ అయితే.. లాక్కి మైక్రో యూఎస్బీ ద్వారా పవర్ అందించి ఎమర్జెన్సీ అన్లాక్ చేయొచ్చు.
ధర : రూ. 1,599
స్మార్ట్ బ్యాక్ప్యాక్
చాలామంది సమ్మర్ రాగానే టూర్లకు ప్లాన్లు రెడీ చేసుకుంటారు. అయితే.. అలా టూర్లకు వెళ్లినప్పుడు ముఖ్యమైన వస్తువులను చాలా జాగ్రత్తగా దాచుకోవాలి. అందుకోసం ఈ బ్యాగ్ బాగా ఉపయోగపడుతుంది. యాక్సీ అనే కంపెనీ దీన్ని మార్కెట్లో అమ్ముతోంది. ఇది ఫింగర్ప్రింట్ సెన్సర్తో వస్తుంది. ఈ బ్యాగ్ తెరుచుకోవాలంటే ఫ్రింగర్ప్రింట్తో అన్లాక్ చేయాలి. సెన్సర్ గరిష్టంగా 10 వేళ్ల ముద్రలను గుర్తుంచుకోగలదు. దీన్ని యూఎస్బీతో చార్జ్ చేసుకోవచ్చు. ఒక్కసారి చార్జ్ చేస్తే 1,000 సార్లు అన్లాక్ అవుతుంది. ఈ బ్యాగ్ని 300D పాలిస్టర్తో తయారుచేశారు. చాలా మందంగా ఉంటుంది. పైగా వాటర్ ఫ్రూఫ్తో వస్తుంది.
ధర : రూ 5999
