ఆందోళనకు దిగిన భార్య
కాశిబుగ్గ, వెలుగు: ఆడపిల్ల పుట్టిందని వరంగల్ శివనగర్‌కు చెందిన ఆర్మీ జవాన్ తన భార్యను విడాకులు ఇవ్వాలని పట్టుబట్టాడు. దీంతో భార్య ఆయన ఇంటి ముందే ధర్నాకు దిగింది. భర్త ఇంటిముందే ఆందోళన చేస్తున్న విషయం తెలుసుకున్న మిల్స్కాలనీ పోలీసులు స్పాట్ కు చేరుకొని.. బాధితురాలిని ఆమె భర్తను స్టేషన్కు తీసుకెళ్లి విచారణ చేపట్టారు. బాధతురాలు మాట్లాడుతూ.. ఆర్మీ జవాన్ తో తనకు పెండ్లి జరిగి 11 ఏండ్లయిందని, 9 ఏండ్ల కిందట కూతురు పుట్టినప్పటి నుంచి నరకం చూపిస్తున్నాడని ఆవేదన వ్యక్తం చేశారు. దీంతో కోర్టును ఆశ్రయిస్తే .. ఉత్తర్వులు రాక ముందే మరో అమ్మాయితో సంబంధం పెట్టుకున్నాడని ఆరోపించారు. ఆర్మీలో హవల్దార్గా పంజాబ్లో డ్యూటీ చేస్తున్నాడని, ఇంటికి తిరిగి వచ్చిన విషయం తెలియడంతో మహిళా సంఘాలతో కలిసి భర్త ఇంటి ముందు ఆందోళనకు దిగినట్లు తెలిపారు. తనకు న్యాయం చేయాల్సిందిగా బాధితురాలు ఆఫీసర్లను వేడుకుంది.
For More News..
