కుత్బుల్లాపూర్ లో కారు బీభత్సం సృష్టించింది. అతి వేగంతో వచ్చిన కారు రోడ్డుపై నడుచుకుంటూ వెళ్తున్న ఓ వ్యక్తిని ఢీ కొట్టింది. దీంతో ఆ వ్యక్తి ఎగిరి మరో చోట పడి స్పాట్ లోనే ప్రాణాలు కోల్పోయాడు. యాక్సిడెంట్ చేసిన యువకులు కారులో నుంచి దిగి పరారయ్యారు. సీసీటీవీలో రికార్డ్ అయిన ఈ ఘటన సోషల్ మీడియాలో వైరల్ అవుతోంది.
జీడిమెట్ల పోలీస్ స్టేషన్ పరిధిలోని గాజుల రామారంలో సెక్యూరిటీ గార్డ్ గోపీ అనే వ్యక్తి ఇవాళ ఉదయం నడుచుకుంటూ వెళ్తున్నాడు. అదే సమయంలో అదే సమయంలో అతి వేగంగా వచ్చిన ఓ కారు గోపీని ఢీ కొట్టింది. దీంతో అతడు అక్కడిక్కడే చనిపోయాడు. ఆగస్టు 11న ఉదయం 6గంటల17 నిముషాలకు ఈ ఘటన జరిగింది.
అయితే యాక్సిడెంట్ అనంతరం కారులో ఉన్న యువకులు కారు దిగి పారిపోతున్నారు. ఆ తర్వాత డ్రైవర్ కూడా పరుగెట్టేందుకు యత్నించిన వ్యక్తిని స్థానికులు పట్టుకున్నారు. మద్యం మత్తులో అతివేగంతో కారు నడిపినట్లు స్థానికులు చెబుతున్నారు. ఈ ఘటనపై కేసు నమోదు చేసిన పోలీసులు కేసు నమోదు చేసి దర్యాప్తు చేస్తున్నారు.
