- 12 గంటల్లో పట్టుకున్న జీడిమెట్ల పోలీసులు
- ఎత్తుకుపోయిన ఆభరణాలు స్వాధీనం
- కఠినంగా శిక్షించాలంటూ భక్తుల ఆందోళన
- చెదరగొట్టిన పోలీసులు
జీడిమెట్ల, వెలుగు: కుత్బుల్లాపూర్ గాంధీనగర్లోని శ్రీరామలింగేశ్వర, శ్రీఆంజనేస్వామి ఆలయాల్లో సోమవారం తెల్లవారుజామున జరిగిన చోరీ కేసులో పోలీసులు ఇద్దరిని అరెస్ట్చేశారు. బాలానగర్డీసీపీ సురేశ్కుమార్మంగళవారం ఉదయం వివరాలు వెల్లడించారు. ఓ దొంగ బయట ఉండగా, లోపలకు చెప్పులతో వెళ్లిన మరో దొంగ అక్కడి స్వామివారి ఆభరణాలను, ఇతర వస్తువులను చోరీ చేశాడు. పోలీసులు వెంటనే సీసీఎస్, ఎస్వోటీ , జీడిమెట్ల పోలీసుల ఆధ్వర్యంలో 10 టీమ్స్ను ఏర్పాటు చేసి సీసీ కెమెరాల ఆధారంగా విచారణ చేపట్టారు.
లంగర్హౌస్, టోలీచౌకికి చెందిన ఇద్దరు గంజాయి సేవించి ర్యాపిడో బుక్చేసుకుని, గాంధీనగర్లోని టెంపుల్కు వచ్చి చోరీ చేశారని తేలింది. 12 గంటల్లో నిందితులని పట్టుకుని నాగపడిగ, అయ్యప్ప విగ్రహం, అభిషేక పాత్ర, హారతి పల్లెం, దీపాలు, కాపర్ గోబ్లెట్స్వాధీనం చేసుకున్నారు. వాటిని బాలానగర్ డీసీపీ, ఏసీపీ, సీఐలు ఆలయంలో అప్పగించారు. తర్వాత అర్చకులు ప్రత్యేక పూజలు చేశారు. ఇద్దరిలో ఓ నిందితుడు గతంలో రౌడీ షీటర్ అని, అతడిపై అటెంప్ట్టు మర్డర్కేసు ఉంది.
ముందస్తు అరెస్టులు
ఆలయాన్ని దొంగలు అపవిత్రం చేశారని, వారిని కఠినంగా శిక్షించాలంటూ కొన్ని హిందూ సంఘాలు సోమవారం ఆందోళనకు పిలుపునిచ్చాయి. దీంతో అప్రమత్తమైన పోలీసులు తెల్లవారుజామునే బీజేపీ, హిందూవాహిని, భజరంగ్దళ్లీడర్లను ముందస్తు అరెస్ట్చేశారు. పోలీసులు పట్టుకున్న నిందితుల పేర్లు చెప్పలేదని ఆగ్రహం వ్యక్తం చేస్తూ, హిందూ సంఘాల లీడర్లు మంగళవారం గాంధీనగర్లోని ఆలయం వద్దకు పెద్ద సంఖ్యలో రావడంతో ఉద్రిక్తత నెలకొంది. ఈ సందర్భంగా పోలీసులకు, ఆందోళనకారులకు మధ్య తోపులాట జరిగింది. నిరసనకు అనుమతులు లేవని చెప్పిన పోలీసులు వారిని చెదరగొట్టి కూకట్పల్లి పోలీస్ స్టేషన్కు తరలించారు.
పద్మారావునగర్ ఆలయంలో చోరీకి యత్నం
పద్మారావునగర్: పద్మారావునగర్ శ్రీసాయిబాబా టెంపుల్పక్కనున్న శ్రీరేణుక ఎల్లమ్మ ఆలయంలో మంగళవారం సాయంత్రం ఓ ఆగంతుకుడు చోరీకి విఫలయత్నం చేశాడు. 50 ఏండ్ల వయస్సు వ్యక్తి ఆలయంలోని అమ్మవారి నగలు, వస్తువులను ఎత్తుకువెళ్లడానికి ప్రయత్నించాడు. అక్కడే ఉన్న ఓ పిల్లవాడు చూసి అరవగా అమ్మవారి వస్తువులను అక్కడే వదిలేసి, ఆలయ గంటను పట్టుకొని పరిగెత్తాడు. దీంతో స్థానికులు వెంటపడి పట్టుకొని చితకబాదారు. తర్వాత చిలకలగూడ పోలీసులకు అప్పగించారు.
