నిజామాబాద్, వెలుగు : జీవన్రెడ్డి షాపింగ్ మాల్, మల్టిప్లెక్స్ను సీజ్ చేసిన ఆర్టీసీ అధికారులు హైకోర్టు ఆదేశాలతో శుక్రవారం రీఓపెన్ చేశారు. ఆర్మూర్ బస్టాండ్ పక్కనున్న 7,059 గజాలను 2017లో జీవన్రెడ్డి లీజుకు తీసుకున్నారు. 33 ఏళ్ల కాలానికి బీవోటీ పద్ధతిలో లీజుకు తీసుకొని విష్ణుజిత్ ఇన్ఫ్రా డెవలపర్స్ సంస్థతో ఒప్పందం చేసుకున్నారు. సదరు ల్యాండ్లో షాపింగ్మాల్, మల్టిఫ్లెక్స్ నిర్మించి థర్డ్పార్టీకి లీజుకిచ్చారు.
అయితే ఆర్టీసీకి చెల్లించాల్సిన సొమ్ము ముట్టజెప్పకపోవడంతో రూ.2.51 కోట్ల వరకు బకాయిలు పెరిగాయి. వాటి వసూలుకు కఠినంగా వ్యవహరిస్తున్న సంస్థ అధికారులు ఈనెల 16న మాల్కు తాళం వేశారు. దీంతో ఆయన హైకోర్టును ఆశ్రయించగా, తిరిగి తెరిచేందుకు ధర్మాసనం అనుమతించింది.
