నెలవారీ రీఛార్జ్ చేసేంత డబ్బులు మీ వద్ద లేవా..! అయితే మీకో శుభవార్త. రిలయన్స్ జియో రూ. 198 విలువైన కొత్త ప్రీపెయిడ్ రీఛార్జ్ ప్లాన్‌ను ప్రవేశపెట్టింది. ఈ ప్లాన్ వ్యాలిడిటీ 14 రోజులు. ఈ గడువు కాలం ఉన్నన్నీ రోజులు అపరిమిత వాయిస్ కాలింగ్‌తో పాటు 5G డేటాను ఆస్వాదించవచ్చు. కాకపోతే ఇక్కడ ఒక విషయం చెప్పుకోవాలి.. 198 రూపాయలనేది సరసమైన ధర అయినప్పటికీ.. ఈ ప్లాన్ వల్ల లాభం కంటే నష్టమే ఎక్కువ. ఎలా అనేది ఇప్పుడు చూద్దాం..
రూ.198 ప్లాన్ ప్రయోజనాలు
14 రోజుల వ్యాలిడిటీ ఉన్న ఈ ప్లాన్‌లో అపరిమిత వాయిస్ కాలింగ్‌తో పాటు రోజుకు 2 GB 5G డేటా అందిస్తున్నారు. ఉచితంగా రోజుకు 100 SMSలు పంపుకునే వెసులుబాటు ఉంది. ఇవి బాగానే ఉన్నప్పటికీ.. నెల రోజులు పూర్తి కావాలంటే రెండుసార్లు రీఛార్జ్ చేపించాలి. దానివల్ల వినియోగదారుడిపై అదనపు భారం పడుతోంది.
రూ.349 ప్లాన్
ఇలాంటి ప్రయోజనాలు ఉన్న నెలవారీ ప్లాన్ రూ.349 ధరకే అందుబాటులో ఉంది. రూ.349 ప్లాన్ రీఛార్జ్ చేసుకుంటే, 28 రోజుల చెల్లుబాటుతో అపరిమిత వాయిస్ కాలింగ్‌తో పాటు రోజుకు 2 GB 5G డేటా లభిస్తుంది. రోజుకు 100 SMSలు ఉచితంగా పంపుకోవచ్చు. అదే రూ. 198 ప్లాన్‌ను ఎంచుకుంటే నెలకు రూ. 396 ఖర్చవుతుంది. కావున ఎక్కువ కాలం చెల్లుబాటు వ్యవధిని ఇష్టపడే వారికి ఇది కొంచెం ఖరీదైన ఎంపిక.
