హైదరాబాద్ : జేకే టైర్ వాణిజ్య వాహనాల కోసం కొత్త టైర్లను హైదరాబాద్లో ప్రారంభించింది. వీటిలో జెట్వేజేయూఎం ఎక్స్ఎం, జెట్వే జేయూసీ ఎక్స్ఎం, జెట్స్టీల్జేడీసీ ఎక్స్డీతోపాటు ఎలక్ట్రిక్ బస్సుల కోసం తయారుచేసిన జెట్వేజేయూఎక్స్ఈ టైర్లు ఉన్నాయి. ఇవి ఎక్కువ మైలేజ్ను ఇస్తాయని, తక్కువ శబ్దం చేస్తాయని తెలిపింది. వీటి తయారీకి జెట్ఓటీసీ టెక్నాలజీ వాడటం వల్ల ఇతర కంపెనీల టైర్లతో పోలిస్తే జీవిత కాలం పదేళ్లు
మన్నిక 40 శాతం ఎక్కువ ఉంటుందని తెలిపింది. వీటిని టిప్పర్లు, ట్రైలర్లకు, బస్సుల కోసం తయారు చేశామని జేకే టైర్ అండ్ ఇండస్ట్రీస్ లిమిటెడ్ ప్రెసిడెంట్ (ఇండియా) అనుజ్ కథూరియా తెలిపారు. మనదేశంలో ప్రతి నెలా 6 లక్షల టైర్లు తయారవుతున్నాయని, తాము 500 రకాల టైర్లు అమ్ముతున్నామని చెప్పారు. మైసూరు ప్లాంటు విస్తరణకు రూ.1,400 కోట్లు ఖర్చు చేస్తామని కథూరియా వెల్లడించారు.
