స్పోర్ట్స్ కోటా కింద హవల్దార్, నాయబ్ సుబేదార్ పోస్టుల భర్తీకి ఇండియన్ ఆర్మీ నోటిఫికేషన్ జారీ చేసింది. అర్హత గల అవివాహిత పురుష, మహిళా అభ్యర్థులు ఈ నెల 28వ తేదీలోగా దరఖాస్తు చేసుకోవచ్చు.
స్పోర్ట్స్ : స్విమ్మింగ్, సెయిలింగ్, షూటింగ్, ట్రయాథ్లాన్, వాలీబాల్, వుషు, వెయిట్ లిఫ్టింగ్, రెజ్లింగ్, వింటర్ గేమ్స్, రోయింగ్, అథ్లెటిక్స్, ఆర్చరీ, బాస్కెట్బాల్, బాక్సింగ్, డైవింగ్, ఫుట్బాల్, ఫెన్సింగ్, జిమ్నాస్టిక్స్, హాకీ, హ్యాండ్బాల్, జూడో, కయాకింగ్ అండ్ కెనోయింగ్, కబడ్డీ.
ఎలిజిబిలిటీ : పదో తరగతి/ ఇంటర్మీడియట్ ఉత్తీర్ణతతోపాటు నిర్దిష్ట శారీరక ప్రమాణాలు కలిగి ఉండాలి. ఖేలో ఇండియా గేమ్స్ లేదా ఖేలో ఇండియ యూత్ గేమ్స్ లేదా ఖేలో ఇండియా యూనివర్సిటీ లేదా అంతర్జాతీయ/ జూనియర్ లేదా సీనియర్ నేషనల్ చాంపియన్షిప్లో పాల్గొన్న అత్యుత్తమ క్రీడాకారులై ఉండాలి. వయస్సు 17 సంవత్సరాల 6 నెలల నుంచి 25 ఏండ్ల మధ్యలో ఉండాలి.
సెలెక్షన్ ప్రాసెస్ : స్పోర్ట్స్ ట్రయల్స్, ఫిజికల్ ఫిట్నెస్ టెస్ట్, ఫిజికల్ స్టాండర్డ్స్ టెస్ట్, స్కిల్టెస్ట్, మెడికల్ ఎగ్జామినేషన్, సర్టిఫికెట్ వెరిఫికేషన్ల ద్వారా ఎంపిక చేస్తారు.
అప్లికేషన్ : ఆఫ్లైన్ ద్వారా పంపించాలి.
