- ట్రంప్ను మళ్లీ ఓడిస్తానన్న ప్రెసిడెంట్
వాషింగ్టన్: అమెరికా అధ్యక్ష అభ్యర్థిత్వ ఎన్నికల్లో ప్రెసిడెంట్ జో బైడెన్ (81) తొలి విజయం సాధించారు. సౌత్ కరోలినాలో జరిగిన డెమొక్రటిక్ ప్రెసిడెన్షియల్ ప్రైమరీలో ఆయన గెలిచారు. రూలింగ్ పార్టీకి ఇది మొదటి అధికారిక ప్రైమరీ. ఈ ఎన్నికలో బైడెన్ కు 96.2% ఓట్లు రాగా.. ఆయన ప్రత్యర్థి మరియన్ విలియమ్సన్ కు 2.1 % ఓట్లే వచ్చాయి. పోల్లో గెలిచిన తర్వాత బైడెన్ మాట్లాడారు. ఈ ఏడాది నవంబర్లో జరిగే అధ్యక్ష ఎన్నికల్లో మళ్లీ గెలుస్తానని ధీమా వ్యక్తం చేశారు. రిపబ్లికన్ పార్టీ అభ్యర్థి, మాజీ ప్రెసిడెంట్ ట్రంప్ను మరోసారి ఓడిస్తానని పేర్కొన్నారు.
