అలంపూర్, వెలుగు: జోగులాంబ బాల బ్రహ్మేశ్వర స్వామికి సంబంధించిన 106 రోజుల ఆదాయం రూ.72.95 లక్షలు వచ్చినట్లు ఈవో పురేందర్కుమార్ తెలిపారు. బుధవారం హుండీల లెక్కింపు చేపట్టినట్లు పేర్కొన్నారు. అమ్మవారి హుండీ ద్వారా రూ.60.76 లక్షలు, స్వామి వారి హుండీ ద్వారా రూ.11.79 లక్షలు, అన్నదాన సత్రం హుండీ ద్వారా రూ.38,889 సమకూరినట్లు చెప్పారు. యూఎస్ డాలర్లు 14, మలేషియా రింగిట్ 7, మిశ్రమ బంగారం 56 గ్రాములు, మిశ్రమ వెండి 222 గ్రాములు వచ్చినట్లు పేర్కొన్నారు.
