పాలమూరు, వెలుగు: జిల్లా పోలీస్ ఆఫీస్లో బుధవారం జిల్లా స్థాయి పోలీస్ డ్యూటీ మీట్ను జోగులాంబ జోన్ డీఐజీ ఎల్ఎస్ చౌహాన్ ప్రారంభించారు. జిల్లాలోని వివిధ విభాగాలకు చెందిన పోలీసు అధికారులు, సిబ్బంది తమ పోలీస్ విధుల నైపుణ్యాలను ప్రదర్శిస్తారని ఆయన తెలిపారు. ఈ మీట్ లో వివిధ కేటగిరీల్లో పోటీలు నిర్వహించనున్నారు.
నారాయణపేట: జిల్లా కేంద్రంలోని పోలీస్ ఆఫీస్లో జిల్లా పోలీస్ డ్యూటీ మీట్ను ఎస్పీ యోగేశ్ గౌతమ్ ప్రారంభించారు. రాష్ట్రంలో మొదటిసారిగా పోలీస్ డ్యూటీ మీట్ లో తమ ప్రతిభను చూపించాలని సూచించారు. చట్టాల అమలు, అంతర్గత భద్రత, నేరాలను శాస్త్రీయంగా గుర్తించడం, దర్యాప్తు చేయడంలో మెరుగు పర్చుకోవచ్చన్నారు.
