భైంసా, వెలుగు : ముథోల్ నియోజకవర్గ పరిధిలోని బీఆర్ఎస్ పార్టీ నుంచి అధికార కాంగ్రెస్లోకి భారీగా చేరికలు జరిగాయి. మాజీ ఎమ్మెల్యే నారాయణ్రావు పటేల్ సమక్షంలో తానూర్ ఎంపీపీ మంజుల యాదవ్, వైస్ఎంపీపీ చంద్రకాంత్ యాదవ్తో పాటు కోఆప్షన్ సభ్యులు, నలుగురు ఎంపీటీసీలు, 8 మంది సర్పంచులు కాంగ్రెస్లో చేరారు. కుభీర్ మండలంలోని కుప్టి, రంజని గ్రామాలకు చెందిన 150 మందికి పైగా బీఆర్ఎస్ కార్యకర్తలు కాంగ్రెస్ కండువా కప్పుకున్నారు.
నారాయణ్రావు పటేల్ మాట్లాడుతూ.. అన్ని వర్గాల అభ్యున్నతే ధ్యేయంగా సీఎం రేవంత్ రెడ్డి సారథ్యంలో కాంగ్రెస్ కృషి చేస్తోందన్నారు. ఈ కార్యక్రమంలో మాజీ ఎంపీపీ రాంచందర్రెడ్డి, లీడర్లు ఓం ప్రకాశ్లడ్డా, శంకర్చంద్రే పాల్గొన్నారు.
