టీమిండియాపై మూడో టీ20లో గెలిచి ఐదు మ్యాచ్ ల టీ20 సిరీస్ లో బోణీ కొట్టిన ఇంగ్లాండ్.. నేడు(జనవరి 31) నాలుగో టీ20కి సిద్ధమవుతుంది. ఈ మ్యాచ్ లో ఎలాగైనా గెలిచి ఆధిక్యాన్ని సమం చేయాలని తీవ్ర కసరత్తులు చేస్తుంది. పూణే వేదికగా జరగనున్న ఈ మ్యాచ్ సాయంత్రం 7 గంటలకు ప్రారంభం కానుంది. నాలుగో టీ20కి ఒక రోజు ముందు ఇంగ్లాండ్ కెప్టెన్ జోస్ బట్లర్ తమ జట్టులో కీ ప్లేయర్ ఎవరనే విషయాన్ని చెప్పాడు.
స్పిన్నర్ ఆదిల్ రషీద్ ఇంగ్లాండ్ జట్టులో అత్యంత విలువైన ఆటగాడని ప్రశంసించాడు. బట్లర్ మాట్లాడుతూ.. "ఆదిల్ రషీద్ మాకు అత్యంత ముఖ్యమైన ఆటగాడు. ఈ విషయాన్ని నేను ఎప్పటికీ చెబుతాను. అతను ఎల్లపుడూ తనను తాను మెరుగు చేసుకుంటాడు. రషీద్ చాలా భిన్నమైన బౌలింగ్ శైలి ఉంది. ఏ వికెట్ పై ఎలా బౌలింగ్ చేయాలో బాగా తెలుసు. అతను మాకు ట్రంప్ కార్డు". అని రషీద్ ను కొనియాడాడు.
రషీద్ మూడో టీ20 లో అద్భుతంగా బౌలింగ్ చేశాడు. పొదుపుగా బౌలింగ్ (4-0-15-1) చేయడంతో పాటు కీలకమైన తిలక్ వర్మ వికెట్ తీశాడు. ముఖ్యంగా తిలక్ వర్మ వికెట్ మ్యాచ్ మొత్తానికే హైలెట్ గా మారింది. రషీద్ వేసిన బంతిని ఆడడంలో విఫలమైన తిలక్ క్లీన్ బౌల్డయ్యాడు. బ్యాటింగ్ లోనూ మార్క్ వుడ్‌తో కలిసి చివరి వికెట్‌కు 24 పరుగులు జోడించి ఇంగ్లాండ్ ను 171 పరుగులకు చేర్చాడు. నాలుగో టీ20కి పూణే వేదిక కానుంది. స్పిన్ కు అనుకూలించే పిచ్ కావడంతో ఈ మ్యాచ్ మరోసారి రషీద్ పైనే ఇంగ్లాండ్ ఆశలు పెట్టుకుంది.
'Adil Rashid is an absolute trump card to have for a captain'- Jos Buttler 🗣#Cricket #INDvENG #AdilRashid #JosButtler pic.twitter.com/jd7P1U5U1Y
— CricketTimes.com (@CricketTimesHQ) January 29, 2025
