- ఈ-బైక్ బ్యాటరీ పేలి బిల్డింగ్లో చెలరేగిన మంటలు
- జర్నలిస్ట్ ఫాజిల్ ఖాన్ సజీవ దహనం
న్యూయార్క్: అమెరికాలో జరిగిన అగ్ని ప్రమాదంలో మనదేశానికి చెందిన 27 ఏండ్ల జర్నలిస్ట్ ప్రాణాలు కోల్పోయాడు. ఆరంతస్తుల భవనంలోని పార్కింగ్లో ఉన్న ఎలక్ట్రిక్ బైక్ బ్యాటరీ పేలి బిల్డింగ్ అంతటా మంటలు వ్యాపించాయి. ఈ మంటల్లో చిక్కుకుని జర్నలిస్ట్ ఫాజిల్ ఖాన్ చనిపోయాడు. గాయపడిన 17 మందిని ఫైర్ సిబ్బంది ఆస్పత్రికి తరలించారు. వీరిలో నలుగురి కండిషన్ సీరియస్గా ఉందని తెలిపారు.
మంటలు గమనించిన కొందరు ఐదో అంతస్తు కిటికీల్లోంచి దూకి ప్రాణాలు దక్కించుకున్నారని చెప్పారు. మన్హట్టన్ హార్లెమ్లోని సెయింట్ నికోలస్ ప్రాంతంలో ఆదివారం ఈ ప్రమాదం చోటుచేసుకుంది. కొలంబియా జర్నలిజం స్కూల్లో చదివిన ఫాజిల్ ఖాన్.. ప్రస్తుతం ‘ది హెచింగర్ రిపోర్ట్‌’ అనే మీడియా సంస్థలో జర్నలిస్ట్గా పనిచేస్తున్నారు. ఫాజిల్ ఖాన్ మృతిపట్ల న్యూయార్క్లోని ఇండియన్ ఎంబసీ సంతాపం వ్యక్తం చేసింది. ఇండియాలో ఉన్న అతని కుటుంబ సభ్యులతో టచ్లో ఉన్నామని, వీలైనంత తొందరలో డెడ్బాడీని తరలిస్తామని ట్వీట్ చేసింది.
