- బాలసముద్రం ఏకశిల పార్కు
- వద్ద ఉన్న ఆఫీసులో ఘటన
- ఆర్థిక సమస్యలే కారణమన్న బంధుమిత్రులు
వరంగల్, వెలుగు : వరంగల్లోని ఓ ఛానల్లో స్టాఫ్‍ రిపోర్టర్‍గా పనిచేస్తున జర్నలిస్ట్ గట్టిగొప్పుల యోగిరెడ్డి (36) తన కూతురితో కలిసి శుక్రవారం ఆత్యహత్య చేసుకున్నాడు. కుటుంబసభ్యులు, బంధుమిత్రుల కథనం మేరకు..యోగిరెడ్డి గతంలో వివిధ మీడియా ఛానళ్లలో కెమెరామెన్‍గా పనిచేశాడు. ఏడాదిన్నర క్రితం స్టాఫ్‍ రిపోర్టర్‍ స్థాయికి ఎదిగాడు. ఏడాదిగా ఓ ఛానల్లో పని చేస్తున్నాడు.
హనుమకొండ బాలసముద్రంలోని ఏకశిల పార్కు వద్ద ఆఫీస్‍ ఉంది. సంస్థాపరంగా కొన్ని సమస్యలకు తోడు ఆర్థిక ఇబ్బందులు ఎక్కువైనట్లు తెలిసింది. ఈ క్రమంలోనే నాలుగో తరగతి చదువుతున్న తన కూతూరు ఆద్యారెడ్డి (9)తో కలిసి శుక్రవారం ఉదయం ఇంటినుంచి బయటకు వెళ్లిన యోగి సాయంత్రం వరక ఇంటికి రాలేదు. కుటుంబసభ్యులు కాల్‍ చేసినా ఫోన్‍ ఎత్తలేదు.
దీంతో ఆయన ఛానన్ఆఫీసు గదిలోకి వెళ్లి చూడగా ఇద్దరు ఉరి వేసుకుని కనిపించారు. అప్పటికే పాప కొన ఊపిరితో ఉండగా, యోగి చనిపోయాడు. దీంతో ఆద్యాను పక్కనే ఉన్న ప్రైవేట్హస్పిటల్‍కు తరలించి ట్రీట్‍మెంట్‍ అందిస్తుండగా చనిపోయింది. ముందు కూతురికి ఉరివేసిన యోగి, తర్వాత తాను కూడా ఉరేసుకున్నట్టు తెలుస్తోంది. అసలు కారణమేంటో తేల్చే క్రమంలో పోలీసులు ఉన్నారు.
