హైదరాబాద్, వెలుగు: బీజేపీ జాతీయ అధ్యక్షుడు జేపీ నడ్డా శనివారం హైదరాబాద్ కు రానున్నారు. రాష్ట్రంలో జరుగుతున్న బీజేపీ మెంబర్ షిప్ డ్రైవ్ పై ఆ పార్టీ నేతలతో ఆయన సమీక్షించనున్నారు. ఈనెల 28న మధ్యాహ్నం హైదరాబాద్ సిటీకి చేరుకొని.. సికింద్రాబాద్ మహంకాళి అమ్మవారిని దర్శించుకోనున్నారు.
అనంతరం బీజేపీ ఎంపీలు, ఎమ్మెల్యేలు, ఎన్నికల్లో పోటీ చేసిన ఎమ్మెల్యే, ఎంపీ అభ్యర్థులతో సమావేశం కానున్నారు. అనంతరం బేగంబజార్ లో బీజేపీ సభ్యత్వ నమోదు కార్యక్రమంలో పాల్గొని, రాత్రి తిరిగి ఢిల్లీ వెళ్లనున్నారు.
