బాలీవుడ్ బ్యూటీతో దేవర ప్రమోషన్స్ షురూ చేసిన తారక్...

తెలుగులో ప్రస్తుతం ప్రముఖ హీరో యంగ్ టైగర్ ఎన్టీఆర్, డైరెక్టర్ కొరటాల శివ దర్శకత్వం వహిస్తున్న దేవర చిత్రంలో హీరోగా నటిస్తున్న సంగతి అందరికీ తెలిసిందే. అయితే ఇప్పటికే ఈ చిత్రానికి సంబందించిన పాటలు, పలు పోస్టర్లు విడుదల కావడంతో దేవర చిత్రంపై అంచనాలు అమాంతం పెరిగిపోయాయి. దీంతో చిత్ర యూనిట్ సభ్యులు ప్రమోషన్స్ షురూ చేసారు.

ఈ క్రమంలో జూ. ఎన్టీఆర్ తాజాగా బాలీవుడ్ లో ప్రముఖ సినీ నిర్మాత కరణ్ జోహార్ నిర్వహించిన దేవర కా జిగ్రా అనే ఇంటర్వ్యూలో పాల్గొన్నాడు. అయితే ఈ ఇంటర్వ్యూలో మరో బాలీవుడ్ ప్రముఖ నటి అలియాభట్ కూడా పాల్గొంది. ఇందులో భాగంగా దేవర మరియు జిగ్రా చిత్రాలకి సంబంధించిన పలు ఆసక్తికర విషయాలను గురించి చర్చించినట్లు తెలుస్తుంది. కాగా ఈ ఇంటర్వూ వీడియో త్వరలోనే విడుదల చేయనున్నట్లు సమాచారం.

ALSO READ | TheGOAT Box Office: విజయ్ ది గోట్ 4 డేస్ కలెక్షన్స్..అక్కడీ ఎగ్జిబిటర్లకు భారీ నష్టాలు!

ఈ విషయం ఇలా ఉండగా అలియా భట్ ప్రస్తుతం జిగ్రా అనే చిత్రంలో మెయిన్ లీడ్ పాత్రలో నటించింది. దాంతో ఈ రెండు చిత్రాల ప్రమోషన్స్ లో భాగంగా కరణ్ జొహార్ అలియా భట్ మరియు ఎన్టీఆర్ లతో కలసి ఈ ఇంటర్వ్యూ ప్లాన్ చేసినట్లు తెలుస్తోంది. కాగా జిగ్రా చిత్రం అక్టోబర్11వ తారీఖున విడుదలవుతుండగా, దేవర చిత్రం సెప్టెంబర్ 27న విడుదల కాబోతోంది.