బాలీవుడ్ స్టార్ హృతిక్ రోషన్ (Hrithik Roshan) హీరోగా నటిస్తున్న వార్ సినిమాకు సీక్వెల్ గా వస్తున్న 'వార్ 2' (War2) లో ఎన్టీఆర్ నటిస్తున్న విషయం తెలిసిందే. ఈ సినిమాను దర్శకుడు సిద్దార్థ్ ఆనంద్ భారీ స్థాయిలో తెరకెక్కిస్తున్నాడు.
ఇదిలా ఉంటే.. భారీ బడ్జెట్ తో పాన్ ఇండియా లెవల్లో తెరకెక్కుతున్న ఈ సినిమాలో ఇండియన్ రా ఏజెంట్ గా ఎన్టీఆర్ (Ntr) కనిపించనున్నాడని టాక్ నడుస్తోంది. దీంతో ఈ సినిమా కోసం ప్రేక్షకులు ఈగర్ గా వెయిట్ చేస్తున్నారు. అందుకే ఈ సినిమా గురించి వినిపిస్తున్న చిన్న న్యూస్ ఐనా క్షణాల్లో వైరల్ అవుతోంది. తాజాగా వార్ 2 గురించి అలాంటి న్యూస్ ఒకటి ఫిల్మ్ వర్గాల్లో చర్చనియ్యాంశం అయింది.
ALSO READ | SDGM: సన్నీడియోల్ - గోపిచంద్ మలినేని మూవీ.. ఫస్ట్ లుక్ అండ్ టైటిల్ రిలీజ్
అదేంటంటే.. ప్రస్తుతం వార్-2 మూవీ షూటింగ్ శరవేగంగా జరుగుతుంది. ఇన్నిరోజులు ఎన్టీఆర్ లేని సీన్స్ను మేకర్స్ షూట్ చేస్తుండగా.. తాజాగా ఎన్టీఆర్ వార్ – 2 షూట్లో పాల్గొనడానికి ముంబైలో అడుగుపెట్టాడు. అంతేకాకుండా నవంబర్ ఫస్ట్ వీక్లో క్లైమాక్స్ పోర్షన్ ఫైట్ సీన్ 20 రోజుల పాటు ఎన్టీఆర్ పాల్గొంటాడని తెలుస్తోంది.
ఇద్దరు బిగ్గెస్ట్ సూపర్ స్టార్స్.. 'హృతిక్ రోషన్ మరియు ఎన్టీఆర్ ఆల్ టైమ్ బిగ్గెస్ట్ క్లైమాక్స్ బ్లాక్‌ని డిజైన్ చేయడానికి YRFలో ప్రీ-ప్రొడక్షన్ భారీ స్థాయిలో స్కెచ్ వేస్తోంది. క్లైమాక్స్‌లో కొంత భాగం ముంబైలో షూట్ చేయబోతుంది' అని మేకర్స్ నుంచి టాక్. ప్రస్తుతం ఎన్టీఆర్ ముంబై ల్యాండ్ అయిన ఫొటోస్ సోషల్ మీడియాలో వైరల్ అవుతున్నాయి. దీంతో ఎన్టీఆర్ ఫ్యాన్స్ ఖుషి అవుతున్నారు.
This time 1500 Cr 💥🔥#War2 pic.twitter.com/Esr9jK3Cmv
— H A N U (@HanuNews) October 19, 2024
ఇన్నాళ్లు 'దేవర కోసం ఆయుధపూజా చేసిన తారక్ అన్న.. త్వరలో యుద్ధంలో దిగి దండయాత్ర షురూ చేయనున్నాడు' అంటూ ఫ్యాన్స్ సోషల్ మీడియాలో పోస్టులు పెడుతున్నారు.
ప్రస్తుతం ఎన్టీఆర్ చేతిలో మూడు క్రేజీ ప్రాజెక్ట్స్ ఉన్నాయి. వాటిలో ఒకటి దేవర2 కాగా రెండవది బాలీవుడ్ లో చేస్తున్న వార్2 మూడవది ప్రశాంత్ నీల్ తో NTR 31. దేవర 2 వచ్చే ఏడాది చివర్లో సెట్స్ పై వెళ్లనుందని టాక్. ఇక ఉన్న ఈ రెండు సినిమాల్లో వార్ 2 మూవీపై ఇండియా వైడ్ గా భారీ అంచనాలున్నాయి.
