టాలీవుడ్ యంగ్ టైగర్ ఎన్టీఆర్(Jr NTR) చేస్తున్న లేటెస్ట్ మాస్ ఎంటర్టైనర్ దేవర(Devara). స్టార్ డైరెక్టర్ శివ కొరటాల(Shiva Koratala) తెరకెక్కిస్తున్న ఈ పాన్ ఇండియా సినిమా నుండి క్రేజీ అప్డేట్ ఇచ్చారు మేకర్స్. ఈ మూవీ వరల్డ్ వైడ్ గా సెప్టెంబర్ 27న రిలీజ్ కానుంది. అంటే సరిగ్గా రిలీజ్ కు నెల రోజుల్లో దేవర ఆగమనం ఉందన్నమాట.
ఈ నేపథ్యంలో ఎన్టీఆర్ కి సంబంధించిన స్పెషల్ పోస్టర్ ను రిలీజ్ చేశారు. ఈ కొత్త పోస్టర్ లో ఎన్టీఆర్ రెండు రకాల షేడ్స్తో ఉన్నాడు. దీంతో దేవర సినిమాలో ఎన్టీఆర్ డ్యూయల్ రోల్ చేస్తున్నాడా? అనే సందేహాలు షురూ అయ్యాయి. అయిత్, ఇదివరకే దేవరలో ఎన్టీఆర్ రెండు విభిన్నమైన పాత్రల్లో కనిపించబోతున్నట్లు వార్తలు రావడంతో..ఇపుడు రిలీజ్ చేసిన పోస్టర్ కి మరింత బలాన్ని చేకూర్చింది. ఎన్టీఆర్ ఇందులో దేవ్‌-వరగా తండ్రి, కొడుకులుగా కనిపిస్తారంటూ గుసగుసలు వినిపిస్తున్నాయి.
𝐓𝐇𝐄 𝐅𝐀𝐂𝐄𝐒 𝐎𝐅 𝐅𝐄𝐀𝐑 ‼️
— Devara (@DevaraMovie) August 27, 2024
In a month, his arrival will stir up the world with an unmissable big screen experience 🔥🔥
Let’s experience his Majestic Madness in theaters on September 27th ❤️🔥#Devara #DevaraOnSep27th pic.twitter.com/IJtvGRCwaa
అయితే.. దేవర సినిమా విడుదలకు ముందే సరికొత్త రికార్డ్స్ క్రియేట్ చేస్తోంది. తాజా సమాచారం ప్రకారం ఈ సినిమా ప్రీ రిలీజ్ బిజినెస్ కనీ.. వినీ ఎరుగని రేంజ్ లో జరుగుతుందట. కేవలం తెలుగు స్టేట్స్ లోనే దాదాపు రూ.130 కోట్ల బిజినెస్ జరుగుతుందట దేవర సినిమాపై. ఇక మిగతా భాషల్లో కలిపి రూ.50 నుండి 60 కోట్ల బిజినెస్ చేస్తుండగా.. ఓవర్ సీస్ రైట్స్ రూ.27 కోట్లు, ఆడియో రైట్స్ రూ. 33 కోట్లు, ఓటీటీ రైట్స్ రూ.155 కోట్ల బిజినెస్ జరిగిందని సమాచారం. ఇలా రిలీజ్ కు ముందే అన్ని లెక్కలు కలుపుకొని దాదాపు రూ.400 కోట్ల ప్రీ రిలీజ్ బిజినెస్ జరిగిందట. ప్రస్తుతం ఈ న్యూస్ ఇండస్ట్రీ వర్గాల్లో హాట్ టాపిక్ గా మారింది.
