వనపర్తి, వెలుగు: వనపర్తి జిల్లాలోని వివిధ కోర్టుల న్యాయమూర్తులతో రాష్ట్ర హైకోర్టు న్యాయమూర్తి, జిల్లా పోర్ట్ పోలియో జడ్జి జస్టిస్ అనిల్ కుమార్ జూకంటి శనివారం రివ్యూ మీటింగ్ నిర్వహించారు. కోర్టుల్లో పెండింగ్ కేసులు, డిస్పోజబుల్ కేసులు, న్యాయవాదుల, కక్షిదారులు, కోర్టుల్లో సమస్యలపై సమీక్ష నిర్వహించారు. జిల్లా కోర్టు కాంప్లెక్స్ నిర్మాణానికి 20 ఎకరాల స్థలాన్ని కేటాయించగా, కోర్టు ఏర్పాటుకు తనవంతుగా ప్రయత్నిస్తానని చెప్పారు.
జిల్లా ప్రధాన న్యాయమూర్తి ఎంఆర్ సునీత, డీఎల్ఎస్ఏ సెక్రటరీ రజిని, సబ్ జడ్జి కవిత, ప్రిన్సిపల్ సీనియర్ సివిల్ జడ్జి రవికుమార్, ఫస్ట్ అడిషనల్ జూనియర్ సివిల్ జడ్జి శ్రీలత, సెకండ్ అడిషనల్ జూనియర్ సివిల్ జడ్జి జానకి, బార్ అసోసియేషన్ ప్రెసిడెంట్ మోహన్కుమార్ యాదవ్, జనరల్ సెక్రటరీ బాలనాగయ్య పాల్గొన్నారు. అంతకుముందు జిల్లాకు వచ్చిన జస్టిస్ అనిల్కుమార్కు కలెక్టర్ ఆదర్శ్ సురభి, అడిషనల్ కలెక్టర్లు సంచిత్ గంగ్వార్, వెంకటేశ్వర్లు, ఆర్డీవో సుబ్రమణ్యం బొకేలు అందించి స్వాగతం పలికారు.
