హైదరాబాద్:లోక్సభ ఎన్నికల ఓట్ల లెక్కింపు సందర్భంగా హైదరాబాద్, సికింద్రాబాద్ జంటనగరాల్లో రేపు(జూన్ 4న ) వైన్స్ షాపులు మూసివేయనున్నట్లు సీపీ కొత్త కోట శ్రీనివాస్ రెడ్డి తెలిపారు. జూన్ 4న ఉదయం 6 గంటల నుంచి జూన్ 5 ఉదయం 6 గంటల వరకు మద్యం దుకాణాలు మూసివేస్తారు. హైదరాబాద్, సికింద్రా బాద్ లలో మొత్తం 16 కౌంటింగ్ సెంటర్ల ఏర్పాటు చేశారు. కౌంటింగ్ సెంటర్ల వద్ద 144 సెక్షన్ అమలులో ఉంటుంది. సెంటర్ నుంచి 200 మీటర్ల వరకు నిషేధాజ్ఞలు ఉంటా యి. పబ్లిక్ ప్రదేశాలలో ఎలాంటి బాణాసంచా కాల్చకూడదని హైదరాబాద్ నగర సీపీ కొత్త కోట శ్రీనివాస్ రెడ్డి ఉత్తర్వులు జారీ చేశారు.
