గ్వాలియర్: మధ్యప్రదేశ్‌‌లో ఓ జూనియర్డాక్టర్పై తన కొలిగ్అత్యాచారానికి పాల్పడ్డాడు. గ్వాలియర్ సిటీలోని ప్రభుత్వ మెడికల్ కాలేజీలో గల పాడుబడిన హాస్టల్‌‌లో ఆదివారం ఈ ఘటన చోటుచేసుకుంది. 25 ఏండ్ల జూనియర్ డాక్టర్ గజరాజా మెడికల్ కాలేజీలోని బాలికల హాస్టల్‌‌లో ఉంటోంది.
ఆమెతో కలిసి చదువుకున్న జూనియర్ డాక్టర్ తనతో మాట్లాడాలని, పాత బాయ్స్ హాస్టల్ కు రావాలని పిలిచాడు. ఆమె పాడుబడిన హాస్టల్లోకి చేరుకోగానే నిందితుడు ఆమెను బెదిరించి అత్యాచారానికి పాల్పడ్డాడని పోలీసులు తెలిపారు. అనంతరం బాధితురాలు అక్కడి కంపు పోలీస్ స్టేషన్‌‌లో ఫిర్యాదు చేసింది. దీంతో నిందితుడిని అరెస్టు చేసినట్టు పోలీసులు తెలిపారు. ఈ ఘటనపై తదుపరి విచారణ జరుగుతోందని వారు తెలిపారు.
