సెంట్రల్​లో జూనియర్​ ఇంజినీర్​ పోస్టులు

సివిల్, మెకానికల్, ఎలక్ట్రికల్ బ్రాంచీల్లో డిప్లొమా, సంబంధిత కోర్సుల్లో ఇంజినీరింగ్‌‌‌‌‌‌‌‌ చదివినవారికి స్టాఫ్‌‌‌‌‌‌‌‌ సెలక్షన్‌‌‌‌‌‌‌‌ కమిషన్‌‌‌‌‌‌‌‌ జూనియర్‌‌‌‌‌‌‌‌ ఇంజినీర్స్‌‌‌‌‌‌‌‌ పోస్టుల భర్తీకి నోటిఫికేషన్​ జారీ చేసింది. 
విభాగాలు: జూనియర్‌‌‌‌‌‌‌‌ ఇంజినీర్‌‌‌‌‌‌‌‌గా నియమితులైనవారికి కేంద్ర జలసంఘం, సెంట్రల్‌‌‌‌‌‌‌‌ పబ్లిక్‌‌‌‌‌‌‌‌ వర్క్స్‌‌‌‌‌‌‌‌ డిపార్ట్​మెంట్, కేంద్ర జల, విద్యుత్‌‌‌‌‌‌‌‌ రీసెర్చ్‌‌‌‌‌‌‌‌ స్టేషన్, మిలిటరీ ఇంజినీరింగ్‌‌‌‌‌‌‌‌ సర్వీస్, బోర్డర్‌‌‌‌‌‌‌‌ రోడ్స్‌‌‌‌‌‌‌‌ ఆర్గనైజేషన్, ఫరక్కా బ్యారేజ్‌‌‌‌‌‌‌‌ ప్రాజెక్టు, నేషనల్‌‌‌‌‌‌‌‌ టెక్నికల్‌‌‌‌‌‌‌‌ రిసెర్చ్‌‌‌‌‌‌‌‌ ఆర్గనైజేషన్, డైరెక్టరేట్‌‌‌‌‌‌‌‌ ఆఫ్‌‌‌‌‌‌‌‌ క్వాలిటీ అస్యూరెన్స్‌‌‌‌‌‌‌‌, పోర్ట్స్‌‌‌‌‌‌‌‌, షిప్పింగ్‌‌‌‌‌‌‌‌ & వాటర్‌‌‌‌‌‌‌‌వేస్‌‌‌‌‌‌‌‌ తదితర సంస్థల్లో సంబంధిత విభాగంలో పని చేయవచ్చు.
అర్హతలు: డిప్లొమా (సివిల్‌‌‌‌‌‌‌‌/ మెకానికల్‌‌‌‌‌‌‌‌/ ఎలక్ట్రికల్‌‌‌‌‌‌‌‌) తత్సమానం లేదా డిగ్రీ (సివిల్‌‌‌‌‌‌‌‌/ మెకానికల్‌‌‌‌‌‌‌‌/ ఎలక్ట్రికల్‌‌‌‌‌‌‌‌) చదివినవారు అర్హులు. వయసు 18 నుంచి 32 సంవత్సరాల మధ్య ఉండాలి. 
ఎగ్జామ్​ ప్యాటర్న్​:  పరీక్ష రెండు అంచెల్లో ఉంటుంది. పేపర్‌‌‌‌‌‌‌‌-1, పేపర్‌‌‌‌‌‌‌‌-2 ఉంటాయి. పేపర్‌‌‌‌‌‌‌‌-1 ఆన్‌‌‌‌‌‌‌‌లైన్‌‌‌‌‌‌‌‌ విధానంలో(కంప్యూటర్‌‌‌‌‌‌‌‌ బేస్డ్‌‌‌‌‌‌‌‌ టెస్ట్‌‌‌‌‌‌‌‌) ఆబ్జెక్టివ్‌‌‌‌‌‌‌‌ తరహాలో నిర్వహిస్తారు. పేపర్‌‌‌‌‌‌‌‌-2 ఆఫ్‌‌‌‌‌‌‌‌లైన్‌‌‌‌‌‌‌‌లో జరిగే(డిస్క్రిప్టివ్‌‌‌‌‌‌‌‌) రాత పరీక్ష. పేపర్‌‌‌‌‌‌‌‌-1లో మొత్తం 200 మార్కులకు.. 200 ప్రశ్నలు ఉంటాయి. పరీక్ష వ్యవధి రెండు గంటలు. పేపర్‌‌‌‌‌‌‌‌-2లో పెన్‌‌‌‌‌‌‌‌ అండ్‌‌‌‌‌‌‌‌ పేపర్‌‌‌‌‌‌‌‌ విధానంలో నిర్వహించే డిస్క్రిప్టివ్‌‌‌‌‌‌‌‌ పరీక్ష. పేపర్‌‌‌‌‌‌‌‌-2 మొత్తం 300 మార్కులకు జరుగుతుంది. పరీక్ష సమయం రెండు గంటలు.
దరఖాస్తులు: అర్హులైన​ అభ్యర్థులు ఆన్​లైన్​లో జులై 26 నుంచి అప్లై చేసుకోవాలి.  వివరాలకు www.ssc.nic.in వెబ్​సైట్​లో సంప్రదించాలి.