- ప్రిన్సిపల్, స్టాఫ్ వేధింపులతో చెరువులో దూకి జూనియర్ లెక్చరర్ సూసైడ్
- ఫోన్లో వాయిస్ రికార్డ్
- మంచిర్యాల జిల్లా చెన్నూరులో ఘటన
- మృతురాలు కరీంనగర్ జిల్లా బొమ్మనపల్లి వాసి..
చెన్నూరు, వెలుగు: మంచిర్యాల జిల్లా చెన్నూర్లోని సోషల్ వెల్ఫేర్రెసిడెన్షియల్ కాలేజీలో జూనియర్ లెక్చరర్ గా పనిచేస్తున్న తిరుమలేశ్వరి(39) పట్టణంలోని పెద్ద చెరువులో దూకి ఆత్మహత్య చేసుకుంది. కరీంనగర్ జిల్లా చిగురుమామిడి మండలం బొమ్మనపల్లికి చెందిన తిరుమలేశ్వరి నాలుగేండ్లుగా ఇక్కడ విధులు నిర్వహిస్తోంది.
రోజూలాగానే భర్త సంపత్ సోమవారం ఉదయం 6 గంటలకు ఆమెను కాలేజీలో దించి వెళ్లాడు. తిరిగి 8 గంటలకు ఫోన్ చేయగా గుర్తుతెలియని వ్యక్తి ఫోన్ లిఫ్ట్ చేసి..సెల్ఫోన్, బ్యాగ్ పట్టణంలోని చెరువు వద్ద కనిపించిందని చెప్పాడు. వెంటనే అక్కడికి వెళ్లి చూడగా తిరుమలేశ్వరి నీటిలో తేలుతూ కనిపించింది. పోలీసుల సహాయంతో ఆమెను బయటకు తీసి చెన్నూర్ గవర్నమెంట్ హాస్పిటల్కు తరలించగా..అప్పటికే మృతి చెందినట్లు డాక్టర్లు పేర్కొన్నారు. ఆమెకు 12 ఏండ్ల కూతురు ఉంది.
వేధింపులతోనే..
ఆత్మహత్యకు ముందు తిరుమలేశ్వరి ఫోన్లో వాయిస్రికార్డు చేసింది. ప్రిన్సిపాల్ రాజమణి, సిబ్బంది స్రవంతి, రేష్మ, శిరీష, పుష్పలత వేధింపుల వల్లే తాను ఆత్మహత్య చేసుకుంటున్నట్టు అందులో పేర్కొంది. వాయిస్రికార్డు ఆధారంగా మృతురాలి అన్న కుమారస్వామి, భర్త సంపత్ పోలీసులకు ఫిర్యాదు చేయగా కేసు దర్యాప్తు చేస్తున్నామని ఎస్సై ప్రసాద్తెలిపారు.
