నాగర్ కర్నూల్, వెలుగు: ఈ నెల 30న కొల్లాపూర్లో జరిగే పాలమూరు ప్రజాభేరి సభను సక్సెస్ చేసేందుకు ప్రతీ కార్యకర్త కదిలి రావాలని మాజీ మంత్రి జూపల్లి కృష్ణారావు కోరారు. బుధవారం కొల్లాపూర్లో మాజీ మంత్రి జూపల్లి కృష్ణారావు ముఖ్య కార్యకర్తలతో సన్నాహక సమావేశం నిర్వహించారు. టీపీసీసీ కార్యదర్శి రంగినేని అభిలాష్రావు, డీసీసీఅధ్యక్షుడు డా. వంశీకృష్ణ, కాంగ్రెస్ సీనియర్ నేతలు పాల్గొన్నారు. ఈ సందర్భంగా ఆయన మాట్లాడుతూ రాష్ట్రంలో కాంగ్రెస్ ను అధికారంలోకి తేవడమే లక్ష్యంగా ముందుకెళ్లాలన్నారు.
ప్రియాంకగాంధీ పాల్గొనే ఈ సభకు 3 లక్షల మందిని సమీకరిద్దామని పిలుపునిచ్చారు. కేసీఆర్కు సీఎంగా కొనసాగే నైతిక హక్కు లేదన్నారు. ఫాంహౌజ్ పాలన నుంచి తెలంగాణకు విముక్తి లభించేలా పోరాడుదామన్నారు. ఎవరు ఎన్ని ఆటంకాలు కలిగించినా పాలమూరు ప్రజాభేరి సక్సెస్ చేస్తామన్నారు. ప్రజాభేరి సభ అసెంబ్లీ ఎన్నికల ప్రచారానికి, కాంగ్రెస్ విజయానికి నాంది కావాలని డీసీసీ అధ్య క్షుడు డా.వంశీకృష్ణ అన్నారు.
