ఆదిలాబాద్టౌన్, వెలుగు: రాష్ట్రంలో నూతనంగా ఏర్పాటైన కోర్టులతో పెండింగ్ లో ఉన్న కేసులు ఎక్కువ మొత్తంలో త్వరగా పరిష్కారం అవుతాయని హైకోర్టు జడ్జి, జిల్లా కోర్టుల పరిపాలనాధికారి జస్టిస్ కె.శరత్ అన్నారు. జిల్లా కేంద్రంలో శనివారం ఆయన నూతనంగా జూనియర్ సివిల్ కోర్టును ప్రారంభించారు.
అంతకుముందు కోర్టు ఆవరణలో మొక్కలు నాటారు. అనంతరం జిల్లా న్యాయమూర్తులతో సమావేశం నిర్వహించారు. కార్యక్రమంలో ఆదిలాబాద్ కలెక్టర్ రాజర్షి షా, జిల్లా ప్రధాన న్యాయమూర్తి ప్రభాకర్రావు, న్యాయమూర్తులు తదితరులు పాల్గొన్నారు.
