కోరుట్ల, వెలుగు: కాంగ్రెస్‌‌‌‌‌‌‌‌‌‌‌‌‌‌‌‌తోనే రైతుల సంక్షేమం సాధ్యమని, అధికారంలోకి వచ్చిన 6 నెలల్లో మూతపడ్డ ముత్యంపేట చక్కెర ఫ్యాక్టరీని తెరిపిస్తామని కోరుట్ల కాంగ్రెస్ అభ్యర్థి జువ్వాడి నర్సింగరావు అన్నారు. బుధవారం కోరుట్లలోని ఆర్డీవో ఆఫీస్‌‌‌‌‌‌‌‌‌‌‌‌‌‌‌‌లో జువ్వాడి నర్సింగరావు నామినేషన్ పత్రాలు దాఖలు చేశారు.
అనంతరం ఏఐసీసీ పరిశీలకులు, కర్నాటక ఎమ్మెల్యే బీఎం నాగరాజుతో కలిసి మీడియాతో మాట్లాడుతూ సీఎం కేసీఆర్ ప్రజలకిచ్చిన హామీలను నెరవేర్చలేదన్నారు. 10 ఏళ్ల బీఆర్ఎస్పాలనతో ప్రజలు విసుగుచెందారని, మార్పు కోరుకుంటున్నారన్నారు. తెలంగాణలో కాంగ్రెస్ ప్రభుత్వం వస్తోందని ధీమా వ్యక్తం చేశారు. లీడర్లు తిరుమల గంగాధర్ , అబ్దుల్ హఫీజ్ తదితరులు పాల్గొన్నారు.
