- బీసీ సంక్షేమ సంఘం జాతీయ అధ్యక్షుడు జాజుల శ్రీనివాస్గౌడ్
ఖైరతాబాద్, వెలుగు: మహాత్మ జ్యోతిబాఫూలే బీసీల ఐకాన్అని బీసీ సంక్షేమ సంఘం జాతీయ అధ్యక్షుడు జాజుల శ్రీనివాస్గౌడ్అన్నారు. సిటీలో ఫూలే విగ్రహం ఏర్పాటు చేయబోతున్న సీఎం రేవంత్రెడ్డికి బీసీ సమాజం రుణపడి ఉంటుందన్నారు. గతంలో ఏ సీఎం కూడా ఫూలే విగ్రహం ఏర్పాటుకు ముందుకు రాలేదన్నారు.
శనివారం సోమాజిగూడ ప్రెస్క్లబ్లో జాజుల నేతృత్వంలో బీసీ జేఏసీ కమిటీ చైర్మన్చిన్న శ్రీశైలం యాదవ్, ఇతర నాయకులు సమావేశం నిర్వహించి, ఫూలే విగ్రహానికి పుష్పాభిషేకం చేశారు. రెండు ఎకరాల స్థలంలో ఫూలే విగ్రహం ఏర్పాటు చేస్తున్నందుకు సీఎం రేవంత్రెడ్డికి, డిప్యూటీ సీఎం భట్టి విక్రమార్కకు, పీసీసీ అధ్యక్షుడు మహేశ్కుమార్ గౌడ్కు కృతజ్ఞతలు తెలిపారు. పదేండ్ల పాలనలో కేసీఆర్ ఏనాడూ ఫూలే విగ్రహానికి దండ వేసిన దాఖలాలు లేవన్నారు. బీసీ బిల్లును ఆమోదించిన గవర్నర్ జిష్ణు దేవ్ వర్మను త్వరలోనే కలిసి ధన్యవాదాలు చెబుతామన్నారు.
