- రేవతి కుటుంబానికి రూ.25 కోట్ల డిమాండ్ సబబే
- రెండేండ్లలో జమిలి ఎన్నికలు ఖాయం
నిజామాబాద్, వెలుగు: హైదరాబాద్ సంధ్య థియేటర్లో తొక్కిసలాటలో రేవతి మృతికి కారణమైన అల్లు అర్జున్స్థానంలో తానుంటే రూ.300 కోట్లు ఇచ్చేవాడినని ప్రజాశాంతి పార్టీ వ్యవస్థాపకుడు కేఏ పాల్అన్నారు. ఓ ఇల్లాలి చావుకు, ఆమె కొడుకు చావు బతుకుల మధ్య హాస్పిటల్లో కొట్టుమిట్టాడడానికి పుష్ప ముమ్మాటికి కారకుడన్నారు. ఓయూ స్టూడెంట్స్డిమాండ్మేరకు బాధిత కుటుంబానికి రూ.25 కోట్ల పరిహారం చెల్లించాలని కోరారు. సోమవారం నిజామాబాద్ లో ఆయన మీడియాతో మాట్లాడారు.
రేవంత్రెడ్డి సీఎం కావడానికి తాను సాయం చేయగా.. తనను వాడుకొని వదిలేశాడని విమర్శించారు. నియంత సద్దాం హుస్సేన్ను తలపించేలా తెలంగాణలో పాలన సాగుతోందని, ఇప్పటికి 422 ఇండ్లను కూల్చేశారని ఆరోపించారు. సినీ నటుడు నాగార్జున ఫంక్షన్హాల్ను నేలమట్టం చేయించి.. సీఎం తన తమ్ముడి ఇంటిని మాత్రం సేఫ్గా పెట్టారన్నారు. రాష్ట్రంలో రేవంత్ ట్యాక్స్అమలవుతోందని ఆరోపించారు. మరో రెండేండ్లలో జమిలి ఎన్నికలు రాబోతున్నాయని ఆయన జోస్యం చెప్పారు. కాంగ్రెస్, బీఆర్ఎస్పార్టీలు సర్పంచ్లను అప్పులు పాలు చేశాయని ఆయన విమర్శించారు.
వచ్చే పంచాయతీ ఎన్నికల్లో తమ పార్టీ అభ్యర్థులను సర్పంచ్లుగా గెలిపిస్తే అభివృద్ధి అంటే ఏంటో చూపుతామన్నారు. త్వరలోనే తాను విలేజ్ టూర్ ప్రోగ్రాంలు పెట్టుకున్నానని, ప్రతి జిల్లాలో కనీసం వంద పల్లెల్లో పర్యటిస్తానన్నారు. డిసెంబర్30న నిజామాబాద్జిల్లాలో సర్పంచ్పదవులకు పోటీ చేయనున్న ఆశావహులతో మీటింగ్ఏర్పాటు చేసినట్లు తెలిపారు. అందరూ తన పార్టీ తరఫున పోటీ చేయాలని ఆయన పిలుపునిచ్చారు.
