- బొజ్జు పటేల్ ఆధ్వర్యంలో కాంగ్రెస్లో చేరిక
కడెం, వెలుగు : బీఆర్ఎస్ కడెం ఎంపీపీ అలెగ్జాండర్, మద్దిపడగ సర్పంచ్ ప్రవీణ్ అధికార పార్టీకి రాజీనామా చేసి కాంగ్రెస్లో చేరారు. ఖానాపూర్ ఎమ్మెల్యే అభ్యర్థి, టీపీసీసీ రాష్ట్ర ప్రధాన కార్యదర్శి వెడ్మ బొజ్జు పటేల్ సమక్షంలో కాంగ్రెస్లో చేరారు. బీఆర్ఎస్ పాలనలో ప్రజలు సుఖంగా లేరని, 9 ఏండ్ల పాలనలో ప్రజల సమస్యలు పరిష్కరించడంలో ప్రభుత్వం పూర్తిగా విఫలమైందన్నారు. ఎన్నికల్లో నియోజవర్గంలో కాంగ్రెస్ జెండా ఎగురవేస్తామని ధీమా వ్యక్తం చేశారు.
అంతకుముందు కడెం మండలంలోని మద్దిపడగ గ్రామంలో బొజ్జు పటేల్ ఎన్నికల ప్రచారం నిర్వహించి కాంగ్రెస్కు ఓటేసి తనను ఎమ్మెల్యేగా గెలిపించాలని కోరారు. మండల అధ్యక్షుడు తుమ్మల మల్లేశ్, యువజన కాంగ్రెస్ జిల్లా అధ్యక్షుడు పొద్దుటూరి సతీశ్ రెడ్డి, నాయకులు నరేందర్ రెడ్డి, ముస్కు రాజు, సత్యనారాయణ, రాహుల్, భూషణం, అర్జున్ తదితరులు పాల్గొన్నారు.
ALSO READ : అన్నదమ్ములం కలిసి అభివృద్ధి చేస్తం : గడ్డం వినోద్
