ఆసిఫాబాద్, వెలుగు: అరుదైన పక్షులకు, జంతువులకు నిలయమైన కుమ్రంభీం ఆసిఫాబాద్ జిల్లా కాగజ్ నగర్ డివిజన్ అడవుల్లో వైల్డ్ డాగ్స్ కెమెరాలకు చిక్కాయి. పులులను సైతం భయపెట్టేంత ధైర్యం ఈ అడవి కుక్కలకు ఉంటుంది. అంతరించిపోతున్న అడవి జంతువుల జాబితాలో ఉన్న ఇండియన్‌ వైల్డ్ డాగ్స్ ఇప్పుడు కాగజ్ నగర్, పెంచికల్‌ పేట్‌ అడవుల్లో కనిపించాయి. బార్కింగ్ డీర్ (మొరిగే జింక)ను కూడా అటవీ శాఖ గుర్తించింది.
ఇవి మహారాష్ట్ర , చత్తీస్ఘడ్ అడవుల్లో నుంచి వలస వచ్చినట్లు అధికారులు చెబుతున్నారు. అపదను గుర్తించి ఓ రకమైన అరుపు చేయడం బార్కింగ్ డీర్ ప్రత్యేకత. వైల్డ్ డాగ్స్, బార్కింగ్ డీర్ కనిపించడంతో ఇప్పటికే 280 కి పైగా పక్షి జాతులు సంచరించే కాగజ్ నగర్ అడవికి మరింత ప్రత్యేకత చేకూరింది.
