- ఒక్కో బుట్టకు రూ.30 వసూలు చేస్తున్నారని ధ్వజం
కాగజ్ నగర్, వెలుగు: కాగజ్ నగర్ టౌన్లోని ఇందిరా మార్కెట్లో కూరగాయలు అమ్మే చిరు వ్యాపారులు వద్ద రుసుం పేరిట వసూళ్లను ఆపాలని, వెంటనే తై బజార్ రద్దు చేయాలని చిరు వ్యాపారులు రోడ్డెక్కారు. తైబజార్లో చేపట్టే చిట్టీ వసూళ్లకు నిరసనగా బుధవారం కూరగాయల మార్కెట్ బంద్ పాటించారు. కూరగాయల మార్కెట్ వేలాన్ని రద్దు చేయాలని కోరుతూ మున్సిపల్ అఫీస్కు ర్యాలీగా చేరుకున్నారు.
వారికి మాజీ ఎమ్మెల్యే కోనేరు కోనప్ప, మున్సిపల్ బీఆర్ఎస్ నియోజకవర్గ ఇన్చార్జి లెండుగురె శ్యామ్ రావు మద్దతు పలికారు. మున్సిపల్ కమిషనర్ అంజయ్యకు వినతిపత్రం అందించారు. ఈ సందర్భంగా కోనప్ప మాట్లాడుతూ.. పల్లెల్లో కష్టపడి కూరగాయలు పండించి అమ్మేందుకు వచ్చిన వాళ్ల దగ్గర మార్కెట్ వేలంపాటలో దక్కించుకున్నవారు బుట్టకు రూ.30 వసూలు చేయడం దారుణమన్నారు. మార్కెట్లో వసూళ్లు ఆపాలని డిమాండ్ చేశారు
