భారత్, కజకిస్తాన్ సంయుక్త మిలిటరీ విన్యాసాలు కాజిండ్ 2024 ఎనిమిదో ఎడిషన్ ఉత్తరాఖండ్ రాష్ట్రం ఔలిలోని సూర్య ఫారిన్ ట్రైనింగ్ నోడ్లో ప్రారంభమయ్యాయి. కాజిండ్ సంయుక్త సైనిక విన్యాసాలను ఇరు దేశాలు 2016 నుంచి నిర్వహిస్తున్నాయి. గత ఏడాది ఏడో ఎడిషన్ విన్యాసాలు కజకిస్తాన్లోని ఓటార్లో జరిగాయి. కాజిండ్ 2024 సైనిక విన్యాసాల ద్వారా రెండు దేశాల మధ్య ద్వైపాక్షిక సంబంధాలను పెంపొందించడంతోపాటు రక్షణ రంగంలో సహకారాన్ని మరింత మెరుగుపరుస్తుంది.
క్రూజ్ భారత్ మిషన్
దేశంలో పర్యాటక రంగాన్ని అభివృద్ధి చేసేందుకు క్రూట్ భారత్ మిషన్ కార్యక్రమాన్ని కేంద్ర షిప్పింగ్ మంత్రిత్వశాఖ ప్రారంభించింది. ఈ మిషన్లో భాగంగా 100 సముద్ర క్రూట్ టెర్మినల్స్, 100 రివర్ క్రూజ్ టెర్నినల్స్, ఐదు ఓడరేవుల్లో మౌలిక సదుపాయాలను అభివృద్ధి చేయనున్నారు.
- మిషన్ లక్ష్యం దేశంలోని అన్ని సర్క్యూట్లను కలిపేలా పర్యాటకరంగాన్ని అభివృద్ధి చేయడం.
- సముద్ర నౌకాశ్రయ, నది, ద్వీప దేశాంతర్గత ప్రాంతాలను మూడు క్రూజ్ విభాగాలుగా వచ్చే ఐదేళ్లల్లో అభివృద్ది చేయడం, సందర్శనకు ఉద్దేశించిన ఓడరేవులు, క్రూజ్ పర్యాటకుల సంఖ్యను రెట్టింపు చేయడం.
- యూఏఈ, మాల్దీవులు, సింగపూర్, మలేషియా, థాయిలాండ్, మయన్మార్, బంగ్లాదేశ్, ఇండోనేషియా తదితర పొరుగు దేశాలతో క్రూజ్ ఏర్పాటు చేయడమే ఈ కార్యక్రమ ప్రధాన ఉద్దేశం.
