ముషీరాబాద్, వెలుగు: ఓయూ పరిధిలోని ఇంటర్ కాలేజీల సాఫ్ట్ బాల్ మెన్ టోర్నమెంట్లో కాకా బీఆర్ అంబేద్కర్ కాలేజీ టీమ్ విజేతగా నిలిచింది. ఉస్మానియా వర్సిటీ కాలేజ్ ఆఫ్ ఫిజికల్ ఎడ్యుకేషన్ ఆధ్వర్యంలో ఓయూలోని ఏ గ్రౌండ్ లో పోటీలు జరిగాయి. వివిధ కాలేజీలకు చెందిన 8 జట్లు పాల్గొనగా.. కాకా బీఆర్ అంబేద్కర్ కాలేజీ టీమ్, సర్దార్ పటేల్ కాలేజీ టీమ్ ఫైనల్ కు వెళ్లాయి.
బాగ్ లింగంపల్లిలోని కాకా బీఆర్ అంబేద్కర్ కాలేజీ టీమ్ 9-2 తేడాతో చాంపియన్గా నిలిచింది. ఇంటర్ కాలేజీల సెక్రటరీ కె. కృష్ణ, ఫిజికల్ ఎడ్యుకేషన్ ఆఫ్ డైరెక్టర్ ప్రొఫెసర్ రాజేశ్కుమార్ విజేత జట్టు మెడల్స్, సర్టిఫికెట్లతో పాటు ఓవరాల్ చాంపియన్ షిప్ ను మంగళవారం ప్రదానం చేశారు. ఫిజికల్ డైరెక్టర్ టి. శ్రావణ్, క్రీడాకారులకు అంబేద్కర్ ఇనిస్టిట్యూషన్ మేనేజ్ మెంట్ అభినందనలు తెలిపింది.
