ముషీరాబాద్, వెలుగు: బాగ్ లింగంపల్లిలోని కాకా డాక్టర్ బీఆర్ అంబేద్కర్ లా కాలేజీ గ్రాడ్యుయేషన్ డే సోమవారం ఘనంగా జరిగింది. కోర్సు పూర్తి చేసుకున్న స్టూడెంట్లు సర్టిఫికెట్లు అందుకున్నారు. ఉస్మానియా యూనివర్సిటీ లా కాలేజీ డీన్ ప్రొఫెసర్ విజయలక్ష్మి, తెలంగాణ న్యాయ అకాడమీ పూర్వ డైరెక్టర్ రాజేందర్, అంబేద్కర్ ఇనిస్టిట్యూషన్స్ డైరెక్టర్ ప్రొఫెసర్ విష్ణుప్రియ, గవర్నమెంట్ కౌన్సిల్ మెంబర్ ప్రియ, పీవీ రమణ కుమార్ పాల్గొని సర్టిఫికెట్లు అందజేశారు.
ఈ సందర్భంగా వారు మాట్లాడుతూ.. న్యాయ విద్య సమాజంపై బాధ్యతను పెంచుతుందన్నారు. సమాజాన్ని అద్భుతమైన దారిలో నడిపే బాధ్యత న్యాయవాదులపై ఉందన్నారు. పట్టాలు పొందిన విద్యార్థులు తల్లిదండ్రులతో ఆనందాన్ని పంచుకున్నారు.
