గోదావరిఖని/యైటింక్లయిన్ కాలనీ: పెద్దపల్లి జిల్లా యైటింక్లయిన్కాలనీలోని అబ్దుల్ కలాం స్టేడియంలో కాకా వెంకటస్వామి స్మారక రామగుండం నియోజకవర్గ స్థాయి క్రికెట్టోర్నీ సోమవారం ప్రారంభమైంది. ఫస్ట్ మ్యాచ్ పాలకుర్తి, ఎన్టీపీసీ టీం మధ్య జరుగగా పాలకుర్తి టీం గెలిచింది. మొత్తం 15 ఓవర్లలో ఎన్టీపీసీ జట్టు 10 వికెట్లు నష్టపోయి 95 రన్స్చేసింది. తర్వాత బ్యాటింగ్కు దిగిన పాలకుర్తి టీం 14.3 ఓవర్లలో మూడు వికెట్ల నష్టానికి 98 రన్స్ చేసి విజయం సాధించింది. ఈ జట్టులో సాయి రోహిత్40 బాల్స్ లో 53 రన్స్చేసి నాటౌట్ గా నిలిచాడు.
మధ్యాహ్నం రామగుండం, అంతర్గాం జట్ల మధ్య మ్యాచ్ జరుగగా రామగుండం జట్టు గెలుపొందింది. మొదట బ్యాటింగ్ప్రారంభించిన అంతర్గాం జట్టు నిర్ణీత 20 ఓవర్లలో 8 వికెట్ల నష్టానికి 130 రన్స్చేయగా, ఆ తర్వాత బ్యాటింగ్కు దిగిన రామగుండం జట్టు 18 ఓవర్లలోనే మూడు వికెట్లు నష్టపోయి 134 రన్స్చేసింది. ఈ టీంలో అరుణ్53 బాల్స్ లో 68 రన్స్ చేసి గెలుపులో కీలక పాత్ర పోషించాడు. కార్యక్రమంలో శశి, మబ్బు శంకర్, ప్రవీణ్, కాళీ, మధు, మహేశ్, తదితరులు పాల్గొన్నారు.
