భూకబ్జా ఆరోపణలు ఎదుర్కొంటున్న కాకతీయ యూనివర్సిటీ అసిస్టెంట్ రిజిస్ట్రార్ పెండ్లి అశోక్ బాబుపై సస్పెన్షన్ వేటు పడింది. ఈ మేరకు వర్శిటీ రిజిస్ట్రార్ ఫ్రొఫెసర్ మల్లారెడ్డి ఉత్తర్వులు జారీ చేశారు.
అశోక్ బాబు వర్శిటీ భూములు ఆక్రమించుకుని ఇల్లు కట్టుకున్నారనే ఆరోపణలున్నాయి. ఈ ఆరోపణలపై ఫిజికల్ సర్వే నిర్వహించారు విజిలెన్స్, రెవెన్యూ, కేయూ అధికారులు. కుమార్ పల్లి శివారులో కేయూకు చెందిన సర్వే నెంబర్ 229లోనే అశోక్ బాబు ఇల్లు ఉందని నిర్ధారించారు. అయితే తాను యూనివర్సిటీ బయట సర్వే నెంబర్ 235 లో ఇల్లు కట్టుకున్నానంటూ అశోక్ బాబు బుకాయించారు. కానీ విజిలెన్స్ సర్వేలో ఆక్రమించుకుని కట్టారని తేలింది.
Also Read :- కేటీఆర్..దమ్ముంటే బహిరంగంగా మాట్లాడు
విజిలెన్స్, రెవెన్యూ ఆఫీసర్లు చేసిన సర్వేను తప్పుపడుతూ ఇటీవల సోషల్ మీడియాలో పోస్టులు పెట్టారు అశోక్ బాబు. వర్సిటీ ప్రతిష్టకు భంగం కలిగిస్తున్నాడన్న కారణంతో ఐదు రోజుల కిందట రిజిస్ట్రార్ మెమో జారీ చేశారు. మూడు రోజుల్లో వివరణ ఇవ్వాల్సిందిగా ఆదేశాలు జారీ చేశారు. అశోక్ బాబు వివరణపై అసంతృప్తి వ్యక్తం చేసిన ఇన్ఛార్జ్ వీసీ వాకాటి కరుణ సస్పెండ్ చేయాల్సిందిగా ఆదేశాలు జారీ చేశారు. దీంతో అశోక్ బాబును సస్పెండ్ చేస్తూ వర్శిటీ రిజిస్ట్రార్ ఉత్తర్వులు జారీ చేశారు.
