లిఫ్టులు సరే... ముంపు సంగతేంది?

కాళేశ్వరం ప్రాజెక్టు బ్యాక్వాటర్లో మునుగుతున్న పంటలు
మంచిర్యాల, పెద్దపల్లి జిల్లాల్లో 40 వేల ఎకరాలకు పైగా మునక
ఎకరానికి రూ.20 లక్షల పరిహారం ఇవ్వాలంటున్న రైతులు
సీఎం హామీ ఇచ్చి 4నెలలవుతున్నా దక్కని న్యాయం

మంచిర్యాల, వెలుగు: కాళేశ్వరం ప్రాజెక్టు బ్యాక్వాటర్తో మంచిర్యాల జిల్లాలోని వేలాది ఎకరాల్లో సాగుభూములు, మంచిర్యాల, చెన్నూర్టౌన్లతో పాటు పలు గ్రామాలు నీట మునుగుతున్నాయి. ఇప్పటివరకు రైతులకు గానీ, ముంపు బాధితులకు గానీ ప్రభుత్వం పైసా నష్టపరిహారం ఇవ్వలేదు. శుక్రవారం జిల్లా పర్యటనకు వస్తున్న సీఎం కేసీఆర్చెన్నూర్నియోజకవర్గంలో లక్ష ఎకరాలకు సాగునీరందించేందుకు తలపెట్టిన చెన్నూర్ లిఫ్ట్ఇరిగేషన్ స్కీంకు రూ.1658 కోట్లతో భూమిపూజ చేయనున్నారు. ఈ సందర్భంగా కేసీఆర్ముంపు ప్రాంతాలను విజిట్చేయాలని, వరద బాధితులకు పరిహారం అందించాలని బీజేపీ, కాంగ్రెస్లీడర్లతో పాటు బాధితులు డిమాండ్ చేస్తున్నారు. అలాగే, గతంలో ఇచ్చిన హామీలను అమలు చేయాలని కోరుతూ సీఎం పర్యటనను అడ్డుకుంటామని హెచ్చరిస్తున్నారు.

ముంపు బాధితులకు న్యాయం చేసేదెన్నడు?

కాళేశ్వరం ప్రాజెక్టు బ్యాక్వాటర్లో ఎంటీఎల్వరకు మునిగిపోయే భూములకు మార్కెట్రేటు ప్రకారం ఎకరానికి రూ.20 లక్షలు చెల్లించి తీసుకోవాలని రైతులు డిమాండ్చేస్తున్నారు. రైతుల పక్షాన బీజేపీ జాతీయ కార్యవర్గ సభ్యుడు, పెద్దపల్లి మాజీ ఎంపీ డాక్టర్ జి.వివేక్వెంకటస్వామి ఆధ్వర్యంలో పలు పోరాటాలు చేశారు. హైదరాబాద్ఇందిరాపార్కు దగ్గర రైతులతో కలిసి ధర్నా చేపట్టారు. రాష్ర్ట గవర్నర్తో పాటు కేంద్ర జలవనరుల శాఖ మంత్రికి ఫిర్యాదులు చేశారు. అంతకుముందు బీజేపీ జిల్లా ప్రధాన కార్యదర్శి అందుగుల శ్రీనివాస్..కోటపల్లి మండలం అన్నారం నుంచి కలెక్టరేట్ వరకు మూడు రోజులు పాదయాత్ర నిర్వహించారు. స్పందించిన కేసీఆర్ఈ ఏడాది ఫిబ్రవరిలో జరిగిన అసెంబ్లీ సమావేశాల్లో కాళేశ్వరం బ్యాక్వాటర్ బాధితులకు న్యాయం చేస్తామని ప్రకటించారు. ఇప్పటికీ నాలుగు నెలలవుతున్నా ఎలాంటి న్యాయం జరగలేదు. దీంతో ఈ వానాకాలం సీజన్లో పంటలు వేయాలా, వద్దా అని రైతులు ఊగిసలాడుతున్నారు. గత నాలుగేండ్లలో జరిగిన నష్టానికి పరిహారం రాకపోవడంతో మళ్లీ వరదలు వస్తే పంటలు తుడిచిపెట్టుకొని పోతాయని ఆందోళన చెందుతున్నారు.

40 వేల ఎకరాలు మునక..

కాళేశ్వరం ప్రాజెక్టు బ్యాక్వాటర్కారణంగా మంచిర్యాల, పెద్దపల్లి జిల్లాల్లో 40 వేల ఎకరాల్లో పంటలు మునుగుతున్నాయి. మేడిగడ్డ, అన్నారం, సుందిళ్ల బ్యారేజీల నిర్మాణ సమయంలో సర్కారు గోదావరి ఇన్ఫ్లోను మాత్రమే పరిగణనలోకి తీసుకుంది. క్యాచ్మెంట్ఏరియా నుంచి పెద్ద ఎత్తున వచ్చే వరదను లెక్కలోకి తీసుకోలేదు. అలాగే ఫుల్రిజర్వాయర్ లెవల్(ఎఫ్టీఎల్) సర్వే చేసి ముంపు భూములను సేకరించారు. వరదలు వచ్చినప్పుడు మ్యాగ్జిమమ్ట్యాంక్లెవల్(ఎంటీఎల్)తో మునిగిపోయే భూములను గుర్తించలేదు. దీంతో నాలుగేండ్లుగా మంచిర్యాల జిల్లాలోని జైపూర్, భీమారం, చెన్నూర్, కోటపల్లి, వేమనపల్లి మండలాలతో పాటు పెద్దపల్లి జిల్లాలోని మంథని, రామగుండం, వెల్గటూరు మండలాల్లో మొత్తం 40వేల ఎకరాల్లో పంటలు మునిగిపోతున్నాయి.