మలయాళ నటుడే అయినా ‘మహానటి’ చిత్రంతో తెలుగులోనూ మంచి గుర్తింపును అందుకున్నాడు దుల్కర్ సల్మాన్.ఆ తర్వాత హను రాఘవపూడి తెరకెక్కించిన ‘సీతారామం’వంటి బ్లాక్ బస్టర్ హిట్‌‌‌‌‌‌‌‌‌‌తో ఇక్కడి ప్రేక్షకులకు మరింత దగ్గరయ్యాడు.ఇక ప్రస్తుతం వెంకీ అట్లూరి దర్శకత్వంలో ‘లక్కీ భాస్కర్’ అనే పాన్ ఇండియా సినిమాలో నటిస్తున్నాడు దుల్కర్.
తాజాగా మరో తెలుగు డైరెక్టర్‌‌‌‌‌‌‌‌‌‌‌‌‌‌‌‌తో సినిమా చేస్తున్నట్లు సమాచారం.ప్రముఖ వైజయంతీ మూవీస్ పతాకంపై దుల్కర్ సల్మాన్ చేయనున్న ఈ చిత్రానికి పవన్ సాదినేని దర్శకత్వం వహించనున్నారని తెలుస్తోంది.అయితే,ఈ సినిమాకి సంబంధించిన అప్డేట్ దుల్కర్ బర్త్డే స్పెషల్ గా జూలై 28న రానున్నట్లు సమాచారం.'సీతారామం’వంటి బ్లాక్ బస్టర్ హిట్‌ తర్వాత దుల్కర్ కల్కి సినిమాలో నటించి మెప్పించాడు. ఇక మరో కొత్త సినిమాతో వస్తుండటంతో..దుల్కర్ ఫ్యాన్స్ ఖుషి అవుతున్నారు.
ఈ సినిమాని డైరెక్ట్ చేస్తున్న పవన్ సాదినేని సినిమా కెరీర్ను చూస్తే..ప్రేమ ఇష్క్ కాదల్,సావిత్రి,సేనాపతి చిత్రాలకు పవన్ దర్శకత్వం వహించి శభాష్ అనిపించుకున్నాడు.అయితే,పవన్ ఓ నాలుగు వెబ్ సిరీస్‍లకు కూడా డైరెక్ట్ చేశాడు.అందులో దయా వెబ్ సిరీస్ ఓటీటీలో రిలీజై సక్సెస్ అయింది.ఇటీవలే వచ్చిన పరువు సిరీస్‍‍కు షోరన్నర్‌గా కూడా పవన్ సాదినేని ఉన్నారు.
ల‌వ్ స్టోరీ కాన్సెప్ట్‌తో వ‌స్తున్న ఈ సినిమాలో దుల్కర్ సరికొత్తగా కనిపిస్తున్నాడు.ఈ ప్రాజెక్ట్ సంబంధించి స్క్రిప్టు ప‌నులు కూడా పూర్త‌యిన‌ట్లు తెలుస్తుంది. త్వరలో ఈ ప్రాజెక్ట్ నుంచి మరిన్ని ప్రకటనలు రానున్నాయి.
