మెట్ పల్లి, వెలుగు: హైదరాబాద్‌‌లో చేపట్ట దలిచిన ఫార్మాసిటీ రద్దు నిర్ణయం దారుణమని కోరుట్ల ఎమ్మెల్యే కల్వకుంట్ల సంజయ్ అన్నారు. శుక్రవారం ‘X’(ట్విట్టర్‌)లో ఆయన స్పందించారు. హైదరాబాద్అభివృద్ధితో పాటు ప్రజాప్రయోజనాలను దృష్టిలో ఉంచుకుని కేసీఆర్ సర్కార్ పొల్యూషన్‌ ఫ్రీ ఫార్మాసిటీ ఏర్పాటు చేసేందుకు నిర్ణయించిందని, అందుకు రైతులు సైతం ఒప్పుకుని తమ భూములు ఇచ్చారన్నారు.
ఈ ఫార్మాసిటీ ద్వారా రాష్ట్ర ప్రజలకు ప్రత్యక్షంగా 5 లక్షలు, పరోక్షంగా 10 లక్షల ఉద్యోగ అవకాశాలు వచ్చేవన్నారు. ఈ ప్రాజెక్టు కేసీఆర్ మానసపుత్రికని అభివర్ణించారు.
