- ఎమ్మెల్యే ఫొటో లేకపోవడంతో పంచాయితీ
కామారెడ్డి, కామారెడ్డి టౌన్: కామారెడ్డి బీఆర్ఎస్లో వర్గపోరు మంత్రి కేటీఆర్టూర్సందర్భంగా రచ్చకెక్కింది. కేటీఆర్కు స్వాగతం పలుకుతూ మున్సిపల్ చైర్పర్సన్ నిట్టు జాహ్నవి తండ్రి నిట్టు వేణుగోపాల్రావు ఏర్పాటు చేసిన ఫ్లెక్సీల్లో ఎమ్మెల్యే గంప గోవర్ధన్ ఫొటో లేకపోవడంతో ఆయన వర్గం నేతలు మండిపడ్డారు. కొంతకాలంగా ఎమ్మెల్యేకు, మున్సిపల్ చైర్పర్సన్కు మధ్య విభేదాలు కొనసాగుతున్నాయి. కేటీఆర్ మీటింగ్ లోనూ గోవర్ధన్, చైర్పర్సన్ఎడమోహం పెడమోహంగానే ఉన్నారు. ఎమ్మెల్యే మాట్లాడినప్పుడు జాహ్నవి పేరు కూడా ప్రస్తావించలేదు. కేటీఆర్ను గెలిపించడానికి లీడర్లు పాలిపగలు పక్కన బెట్టాలని మంత్రి కేటీఆర్ సూచించారు. భేషజాలు, పంచాయితీలను వదిలేసి అత్యధిక మెజార్టీ సాధించేందుకు కలిసికట్టుగా పని చేయాలన్నారు.
కుల సంఘాల భేటీ కాన్సిల్..
మీటింగ్తర్వాత కేటీఆర్ వివిధ కుల సంఘాలు, డాక్టర్లు, అడ్వకేట్లతో భేటీ అవుతారని చెప్పారు. పలుచోట్ల మీటింగ్ ఏర్పాట్లు కూడా చేశారు. అయితే కార్యకర్తల సమావేశం కాగానే కేటీఆర్ ఆరోగ్యం బాలేదంటూ ఎవరిని కలవకుండానే హెలికాప్టర్లో హైదరాబాద్కు తిరిగి వెళ్లిపోయారు. ఆయా సంఘాల మీటింగ్లకు ఎమ్మెల్యే గోవర్ధన్ హాజరయ్యారు. బీడి కార్మికులందరికీ జీవన భృతి కల్పించాలని డిమాండ్ చేస్తూ బీఆర్ఎస్ మీటింగ్లో బీఎల్టీయూ నేతలు ఫ్లకార్డులు ప్రదర్శించారు. మహిళలను పోలీసులు అక్కడి నుంచి పంపేశారు. దీంతో మరికొందరు లీడర్లు అక్కడకి చేరుకుని ఫ్లకార్డులు ప్రదర్శించడంతో బీఆర్ఎస్ లీడర్లు వారిపై దాడి చేశారు. నిరసన చేస్తున్న వాళ్లను పోలీసులు అక్కడినుంచి తీసుకెళ్లారు.
