- కామారెడ్డి కలెక్టర్ ఆశిష్ సంగ్వాన్
కామారెడ్డిటౌన్, వెలుగు: ఉపాధి హామీ పనుల్లో కూలీల సంఖ్య పెంచాలని కామారెడ్డి కలెక్టర్ ఆశిష్ సంగ్వాన్ అన్నారు. బుధవారం సాయంత్రం కలెక్టరేట్‌లో ఉపాధి హామీ పనులు, నర్సరీలు, ఇంటి పన్నుల వసూళ్లు, తాగునీటి సప్లయ్అంశాలపై అధికారులతో రివ్యూ మీటింగ్ నిర్వహించారు. కలెక్టర్ మాట్లాడుతూ.. జాబ్కార్డు ఉన్న ప్రతి ఒక్కరికి పని కల్పించాలన్నారు.
గ్రామాల్లో ఆస్తి పన్ను వచ్చే నెల15లోగా 100 శాతం వసూలు చేయాలన్నారు. ఎండాకాలంలో గ్రామాలు, టౌన్‌లలో తాగునీటి సమస్య రాకుండా ముందస్తు చర్యలు చేపట్టాలన్నారు. అడిషనల్ కలెక్టర్లు విక్టర్, శ్రీనివాస్రెడ్డి, సబ్ కలెక్టర్ కిరణ్మయి, ఆర్డీవోలు రంగనాథ్రావు, ప్రభాకర్, అధికారులు చందర్, రాజారాం, సురేంధర్, దయానంద్ పాల్గొన్నారు.
