లింగంపేట, వెలుగు : రోడ్డు ప్రమాదాల నివారణకు ప్రజలకు అవగాహన కల్పించాలని కామారెడ్డి కలెక్టర్ ఆశిశ్సాంగ్వాన్ సూచించారు. జాతీయ రోడ్డు భద్రత మాసోత్సవాల సందర్భంగా గురువారం లింగంపేటలో హైకోర్టు లాయర్ మోహిన్ అహ్మద్ ఖాద్రి ఫాంహౌస్లో నిర్వహించిన అవగాహన సదస్సులో ఆయన మాట్లాడారు. ట్రాఫిక్నిబందనలపై అవేర్నెస్లేకనే ఎక్కువ ప్రమాదాలు జరుగుతున్నాయన్నారు. హెల్మెట్ ధరించకపోవడం, రాంగ్రూట్లో ప్రయాణించడం,సెల్ఫోన్ మాట్లాడుతూ డ్రైవింగ్ చేయడం ప్రమాదకరమని తెలిపారు. మద్యం తాగి వాహనాలు నడపొద్దని సూచించారు. రోడ్డు ప్రమాదాల నివారణలో జిల్లాకు లింగంపేట మండలం ఆదర్శం కావాలని కోరారు.
అడిషనల్ఎస్పీ నర్సింహారెడ్డి మాట్లాడుతూ జిల్లాలో ద్విచక్రవాహనాల వల్ల ఎక్కువ ప్రమాదాలు జరుగుతున్నాయని తెలిపారు. ట్రాపిక్ రూల్స్ ప్రతి ఒక్కరూ పాటించాలని సూచించారు. జిల్లా ట్రాన్సుఫోర్టు అధికారి శ్రీనివాస్రెడ్డి మాట్లాడుతూ రోడ్డు ప్రమాదాలతో దేశంలో ఏడాదికి 1.70లక్షల మంది చనిపోతున్నారని తెలిపారు. తెలంగాణలో ఏడాదికి 6వేల మంది మృతి చెందగా, కామారెడ్డి జిల్లాలో 270 మంది మృతి చెందినట్లు వెల్లడించారు. రాష్ట్రంలో జరిగిన రోడ్డు ప్రమాదాల్లో సగం మంది హెల్మెట్ లేని కారణంగానే చనిపోయారని చెప్పారు. హైకోర్టు న్యాయ వాది మోహిన్ అహ్మద్ఖాద్రి మాట్లాడుతూ వాహనదారులు హెల్మెట్ వినియోగాన్ని భారంగా భావించొద్దన్నారు.
అంతకుముందు ఇండియన్ రెడ్క్రాస్ సొసైటీ ఆధ్వర్యంలో నిర్వహించిన మెగా రక్తదాన శిబిరాన్ని కలెక్టర్ ప్రారంభించారు. 22 మంది రక్తదానం చేయగా వారికి ప్రశంసా పత్రాలు, హెల్మెట్లను అందజేశారు. ఈ కార్యక్రమంలో ఇండియన్రెడ్క్రాప్ సొసైటీ రాష్ట్ర కమిటీ మెంబర్సంజీవరెడ్డి, జిల్లా అధ్యక్షుడు రాజన్న, డీఆర్డీవో పీడీ సురేందర్, ఎల్లారెడ్డి ఆర్డీవో మన్నె ప్రభాకర్, ఎల్లారెడ్డి డీఎస్పీ శ్రీనివాసులు, సీఐ రవీందర్నాయక్, తహసీల్దార్ నరేందర్గౌడ్, ఎంపీ డీవో నరేశ్, పీహెచ్సీ వైద్యురాలు హిమబిందు, లింగంపేట, ఎల్లారెడ్డి, నాగిరెడ్డిపేట, తాడ్వాయి, సదాశివనగర్ మండలాల ఎస్సైలు సుధాకర్, మహేశ్, మల్లారెడ్డి, రంజిత్, రెడ్క్రాస్ సొసైటీ నాయకులు రవిగౌడ్, ఎల్లమయ్య, శ్రీకాంత్ తదితరులు పాల్గొన్నారు
