కామారెడ్డి టౌన్, వెలుగు: హాస్పిటల్స్ను తనిఖీ చేసి రిజిస్ర్టేషన్ కోసం సిఫారసు చేయాలని కామారెడ్డి కలెక్టర్ఆశిశ్ సంగ్వాన్ ఆఫీసర్లను ఆదేశించారు. మంగళవారం కలెక్టరేట్లో జిల్లా రిజిస్ర్టేషన్స్అథారిటీ మీటింగ్ నిర్వహించారు. ఈ సందర్భంగా ఆయన మాట్లాడుతూ.. జిల్లాలో పర్మిషన్ లేని హాస్పిటల్స్పై చర్యలు తీసుకోవాలన్నారు. తనిఖీ చేసి రిజిస్టర్కానీ హాస్పిటల్స్కు నోటీసులిచ్చి ఫైన్ విధించాలన్నారు.
రిజిస్టర్ అయిన హాస్పిటల్స్లో డాక్టర్ మారితే వెంటనే డీఎంహెచ్వోకు సమాచారం ఇవ్వాలన్నారు. గుర్తింపు పొందిన హాస్పిటల్స్లో డాక్టర్ల పేర్లు, రేట్ల బోర్డులను ఏర్పాటు చేయాలన్నారు. జిల్లాలో 127 రిజిస్టర్డ్ హాస్పిటల్స్ఉన్నాయని తెలిపారు. ఎస్పీ సింధూశర్మ, అడిషనల్ కలెక్టర్ శ్రీనివాస్రెడ్డి, డీఎంహెచ్వో డాక్టర్ చంద్రశేఖర్, ఐఎంఏ ప్రెసిడెంట్ డాక్టర్ రమణ తదితరులు పాల్గొన్నారు.
ప్రమాదాల నివారణకు చర్యలు చేపట్టాలి
నేషనల్ హైవేలపై ప్రమాదాల నివారణకు తగిన చర్యలు చేపట్టాలని కామారెడ్డి కలెక్టర్ ఆదేశించారు. మంగళవారం కలెక్టరేట్లో రోడ్ సేఫ్టీ కమిటీ మీటింగ్ జరిగింది. ఈ సందర్భంగాఆయన మాట్లాడుతూ.. హైవేలపై ఉన్న టెకిర్యాల్, పొందుర్తి, భిక్కనూరు జంక్షన్ల వద్ద ప్రమాదాల నివారణకు సూచికల బోర్డులు, లైటింగ్ ఏర్పాటు చేయాలన్నారు. మండల స్థాయిలో రోడ్డు భద్రతపై స్టూడెంట్స్తో అవగాహన పోగ్రాములు నిర్వహించాలన్నారు.
రోడ్డు ప్రమాదాల నివారణకు అన్ని శాఖల ఆఫీసర్లు సమన్వయం చేసుకుంటూ పని చేయాలన్నారు. గుర్తించిన స్టాప్లోనే ఆర్టీసీ బస్సులు నిలిపే విధంగా చూడాలని డీఎంను ఆదేశించారు. అడిషనల్ ఎస్పీ నరసింహారెడ్డి, ఆర్టీవో శ్రీనివాస్రెడ్డి, ఈఈ రఘుశంకర్, వివిధ శాఖల ఆఫీసర్లు
పాల్గొన్నారు.
