సదాశివనగర్, వెలుగు : జిల్లాలో సాగుకు యోగ్యంగా లేని భూములను త్వరగా గుర్తించి నివేదికలు సమర్పించాలని అధికారులను కామారెడ్డి కలెక్టర్ఆశిశ్సాంగ్వాన్ఆదేశించారు. శుక్రవారం సదాశివనగర్ తహసీల్దార్కార్యాలయంలో మండల అధికారులతో నిర్వహించిన సమావేశంలో ఆయన మాట్లాడారు. ప్రభుత్వ అమలు చేస్తున్న సంక్షేమ పథకాలు రైతు భరోసా, ఇందిరమ్మ ఆత్మీయ భరోసా, రేషన్ కార్డుల సర్వే, ఇందిరమ్మ ఇండ్ల సర్వేలపై అధికారులకు వివరించారు.
గ్రామాల్లో అధికారులు వంద శాతం సర్వే చేయాలన్నారు. అనంతరం మండల కేంద్రంలో సర్వే నంబర్ 955 లో 19 గుంటల భూమిని పరిశీలించారు. ప్రజాపాలనలో రేషన్కార్డు కోసం దరఖాస్తులు చేసుకున్న కుటుంబాలపై చేస్తున్న సర్వే తీరును పరిశీలించారు. ఆ తర్వాత ప్రభుత్వ దవాఖానను సందర్శించారు. కలెక్టర్ వెంట జిల్లా వ్యవసాయ అధికారి తిరుమ ప్రసాద్, జడ్పీ సీఈవో చందర్నాయక్, జిల్లా వైద్యాధికారి చంద్రశేఖర్, జిల్లా పౌర సరఫరా అధికారి మల్లికార్జున్బాబు, తహసీల్దార్గంగాసాగర్, ఎంపీడీవో సంతోశ్ కుమార్, మండల వ్యవసాయ అధికారి ప్రజాపతి, ఎంపీవో సురేందర్రెడ్డి, డాక్టర్ఆస్మా తదితరులు పాల్గొన్నారు.
