కామారెడ్డి టౌన్, వెలుగు : వరుస సెలవుల నేపథ్యంలో ప్రయాణికులకు ఇబ్బందులు తలెత్తకుండా బస్సుల సంఖ్య పెంచాలని కామారెడ్డి కలెక్టర్జితేశ్ వీ పాటిల్ ఆర్టీసీ ఆఫీసర్లకు సూచించారు. బుధవారం కామారెడ్డి ఆర్టీసీ బస్టాండ్ను ఆయన పరిశీలించారు. ప్రయాణికులతో మాట్లాడి సమస్యలు అడిగి తెలుసుకున్నారు. మహాలక్ష్మి పథకానికి మహిళల నుంచి మంచి స్పందన వస్తోందన్నారు. గతంలో లక్షా 20 వేల మంది ప్రయాణించేవారని ఈ నెల 9 నుంచి ఈ సంఖ్య 2 లక్షలకు చేరిందన్నారు. మహిళా ప్రయాణికుల ఆక్యూపెన్సీ 63 శాతంపెరిగినట్లు చెప్పారు.
బస్సుల్లో రద్దీ దృష్ట్యా డ్రైవర్లు, కండక్టర్లు ఒత్తిడికి గురికాకుండా కోఆర్డినేషన్తో పని చేయాలన్నారు. మహిళా ప్రయాణికులకు ఎలాంటి ఇబ్బందులు తలెత్తకుండా చూడాలన్నారు. ప్లాట్ఫామ్లను క్లీన్గా ఉంచాలని, తాగునీటి వసతి, టాయిలెట్స్సౌకర్యం కల్పించాలన్నారు. ఎక్స్ప్రెస్బస్సుల సంఖ్య పెంచాలని ప్రయాణికులు కలెక్టర్ను కోరారు. ఈ నెల 9 నుంచి 19 వరకు కామారెడ్డి డిపో నుంచి 6,82,887 మంది ప్రయాణిస్తే ఇందులో 4,29,812 మంది మహిళలు ఉన్నట్లు డీఎం ఇందిర తెలిపారు.
