కామారెడ్డి టౌన్, వెలుగు: ఎన్నికల ప్రక్రియ సజావుగా సాగేలా అన్ని విభాగాల ఆఫీసర్లు సమష్టి భాగస్వామ్యంతో పని చేయాలని కామారెడ్డి కలెక్టర్ జితేశ్ వి పాటిల్ పేర్కొన్నారు. శుక్రవారం కలెక్టరేట్లో నోడల్ఆఫీసర్లతో మీటింగ్నిర్వహించారు. ఆయన మాట్లాడుతూ.. జిల్లాలో ఎక్కడైనా అక్రమంగా మందు, డబ్బు పంపిణీ, రవాణా చేసినట్లు ప్రజల దృష్టికి వస్తే సీ విజిల్యాప్ ద్వారా ఫిర్యాదు చేయొచ్చన్నారు.
సమాచారమిచ్చిన వారి వివరాలు గోప్యంగా ఉంచుతామన్నారు. ఆధారాలు లేకుండా రూ. 50 వేలకు మించి నగదు తీసుకెళ్లొదన్నారు. నియోజకవర్గానికి మూడు చొప్పున ఫ్లయింగ్ స్క్వాడ్ బృందాలు ఏర్పాటు చేసినట్లు చెప్పారు. ఎన్నికల సంఘం వేలెత్తి చూపని విధంగా ఆయా విభాగాల ఆఫీసర్లు క్షేత్ర స్థాయిలో పని చేయాలన్నారు.
