- మెజార్టీ ఎంత అనేది తేలాల్సి ఉంది
- పంచాయితీలు పక్కనబెట్టి భారీ మెజార్టీ కోసం క్యాడర్ పనిచేయాలి
- కామారెడ్డిలో బీఆర్ఎస్ శ్రేణులకు మంత్రి కేటీఆర్దిశానిర్దేశం
కామారెడ్డి, కామారెడ్డి టౌన్, వెలుగు: వచ్చే అసెంబ్లీ ఎన్నికల్లో కామారెడ్డి నుంచి సీఎం కేసీఆర్పోటీచేయనున్న నేపథ్యంలో అనుసరించాల్సిన వ్యూహాలపై మంత్రి కేటీఆర్స్థానిక బీఆర్ఎస్ లీడర్లకు మార్గనిర్దేశం చేశారు. ఇక్కడి నుంచి పోటీ చేస్తానని సీఎం కేసీఆర్ ప్రకటించినప్పుడే ఆయన గెలుపు ఖాయమైందని, అత్యధిక మెజార్టీ సాధనే లక్ష్యంగా క్యాడర్పనిచేయాలని సూచించారు. శనివారం స్థానిక గవర్నమెంట్డిగ్రీ కాలేజీలో కామారెడ్డి నియోజకవర్గ బీఆర్ఎస్ లీడర్ల సమావేశం జరిగింది.
చీఫ్గెస్ట్లుగా మంత్రులు కేటీఆర్, వేముల ప్రశాంత్రెడ్డి హాజరయ్యారు. స్థానిక ఎమ్మెల్యే, విప్గంప గోవర్ధన్, ఎంపీ బీబీపాటిల్, పార్టీ జిల్లా ప్రెసిడెంట్ఎంకే ముజీబోద్దీన్, మున్సిపల్ చైర్పర్సన్ నిట్టు జాహ్నవి, స్టేట్ఫుడ్కమిషన్ మాజీ చైర్మన్ కొమ్ముల తిర్మల్రెడ్డి, వైస్చైర్పర్సన్ ఇందుప్రియ, జడ్పీ వైస్చైర్మన్ ప్రేమ్కుమార్తదితరులు పాల్గొన్నారు.
మంత్రి కేటీఆర్.. నియోజకవర్గంతో కేసీఆర్ ఫ్యామిలీకి ఉన్న బంధాన్ని గుర్తు చేస్తూ, సీఎం ఇక్కడ నుంచి ఎందుకు పోటీ చేస్తున్నారనే విషయాన్ని వివరించారు. నాటి ఉద్యమ జ్ఞాపకాలతో పాటు, మొదటి నుంచి పార్టీ వెన్నంటి ఉన్న తిర్మల్రెడ్డి, నర్సింగ్రావులను గుర్తు చేశారు. అప్పటి స్థానిక సంస్థల ఎన్నికల్లో జరిగిన ఏకగ్రీవాలను మననం చేశారు. కేసీఆర్ ఉద్యమాన్ని షూరు చేసిన నాటి నుంచి ఉవ్వెత్తున సాగిన ఉద్యమంలో కామారెడ్డి పోషించిన పాత్రను ఆయన గుర్తు చేశారు.
ప్రతిపక్షాలపై విమర్శలు చేస్తూనే, పార్టీ శ్రేణులకు ఎన్నికల్లో అనుసరించాల్సిన వ్యూహాలపై దిశా నిర్దేశం చేశారు. ప్రతీ గ్రామానికి ఓ మేనిఫెస్టో రూపొందించాలని, మున్సిపాలిటీలో వార్డుల వారిగా ప్లానింగ్ ఉండాలన్నారు. నియోజకవర్గానికి సైతం సెఫరేట్ మెనిఫెస్టో రూపొందించాలని మంత్రి సూచించారు. నియోజకవర్గంలోని 266 పోలింగ్బూత్లకు బిగేడ్రియర్లు(ఇన్చార్జులు)గా సీనియర్లీడర్లను నియమించాలని చెప్పారు. లీడర్ల మధ్య పంచాయితీలుంటే పక్కన పెట్టి, పనిచేయాలని కేటీఆర్నిర్దేశించారు. ఒకరిద్దరు నేతల మధ్య ఉన్న గ్యాప్ను మంత్రి పరోక్షంగా ప్రస్తావించారు.
కౌన్సిలర్తో పాటు పలువురు బీఆర్ఎస్లో చేరిక
కామారెడ్డిలో జరిగిన మొదటి సమావేశం నుంచి పార్టీలో చేరికలపై నజర్ పెట్టారు. బీజేపీకి చెందిన కామారెడ్డి సెకండ్ వార్డు కౌన్సిలర్ సుతారి రవితో పాటు, కాంగ్రెస్, ఎంఐఎం పార్టీలకు చెందిన పలువురు బీఆర్ఎస్లో చేరారు. వీరికి మంత్రి కేటీఆర్ కండువాలు కప్పి పార్టీలోకి ఆహ్వానించారు.
భారీ మెజార్టీ సాధించేలా పని చేద్దాం
కామారెడ్డిలో సీఎం కేసీఆర్కు భారీ మెజార్టీ లభించేలా సమష్టిగా కృషి చేద్దామని మంత్రి వేముల ప్రశాంత్రెడ్డి పేర్కొన్నారు. దేశం మొత్తం కామారెడ్డి వైపు చూస్తోందని, మరే లీడర్ సాధించని మెజార్టీని కేసీఆర్కు కానుకగా అందిద్దామన్నారు.
అభివృద్ధి కోసమే సీఎంను పోటీ చేయాలని కోరా..
నియోజకవర్గం మరింత అభివృద్ధి చెందాలనే ఉద్దేశంతోనే సీఎం కేసీఆర్ను కామారెడ్డి నుంచి పోటీ చేయాలని తానే స్వయంగా కోరినట్లు విప్ గంప గోవర్ధన్పేర్కొన్నారు. తొమ్మిదిన్నర ఏండ్లలో ఎంతో అభివృద్ధి చేశామని, కేసీఆర్పోటీ చేస్తే జిల్లా ఇంకా అభివృద్ధి చెందుతుందన్నారు.
